Kontinua ita-nia dalan

Ita kontinua halo ita-nia dalan ko­na-ba oinsá akompaña. Akompa­ñamentu mak knaar ida adultu sira-nian ka ema sira ne’ebé la’o uluk iha maturidade umana-espirituál. Knaar ne’e entrega ba aman-inan sira, edukadór/a sira, animadór/a sira. Ema ne’ebé husik nia an ema seluk akompaña, iha nia prosesu nia mós aprende atu kaompaña. Maibé, se ema ne’ebé nunka simu akompa­ñamentu, nia sei la hatene akompa­ña. Ita repete beibeik ida-ne’e husi kedas tinan ruma liubá. Santu sira nia moris mós hatudu ida-ne’e: Don Bosco, Madre Mazzarello, ita-nia padroeiru sira.

Akompaña atu halo sá loos? Akom­paña atu to’o ba maturasaun iha nivel hotu umana no sarani. Sai ema tasak no mós sai sarani ho fiar me­tin, liuliu hodi deskobre Maromak nia projetu moris nian ba ida-idak.

Ita nia misaun edukativa iha rezul­tadu se ita konsege tulun foin-sa’e sira deskobre sira-nia vokasaun no sai sarani ne’ebé empeña an iha vida sosiál. Iha Don Bosco nia liafuan: sarani di’ak no sidadaun onestu.***