Dili – Selebrasaun missa agradesimentu madre Isabel Gomes, hala’o iha loron 28-Jullu-2018, iha Komunidade Saun José Novisiadu, partisipa husi família no Madre no Padre diosezanu balun. Padre Domingos Soares mak nu’udar selebrante no iha Padre nain 2 nu’udar konselebrante,iha dadeer tuku 10.0o. Durante omilia Padre Domingos hato’o ninia lia menon, ne’ebé enkoraja tebes madre Isabel. Uluknanain Padre dehan katak, bolun sai misionária laos fasil, sai relijioza hodi sai misionária mak atu haklaken Maromak Nia domin no Ninia liafuan; sai konsagrada mak sai família foun ba Maromak no Maromak sei haraik grasa ba família; sai misionária sai kreditu ho Maromak katak sei selu buat hotu. Nune’e wainhira hetan terus reza nafatin, oferese ba povo Timor no família, atu nune’e sarani Timor oan la bele hadook-an husi Maromak. Laran metin nafatin iha Maromak.

Hafoin missa, iha grupu kiik infansia misionária, hato’o sira nia agradese no boa-viajen ba madre ba ninia hatan sim no fidelidade ba Maromak.serimonia ne’e remata hodi han hamutuk ho família sira iba TOT, João Paulo II, Comoro.

Madre Provinsial nia lia menon ba irman, atu sai korajoza liutan ba misaun foun ne’ebé simu no agradese ba família ne’ebé oferese ona oan ba Maromak iha kongregasaun Filhas de Maria Auxiliadora.

(Maria Sarmento Guterres)