Papa Francisco nia mensajen kona-ba atentadu terrorista iha Sri Lanka

“Maun no biin-alin sira,

Ha’u rona ho tristeza no terus atentadu grave sira ne’ebé ohin iha loron Páskua duni, lori lutu no terus ba kreda ruma no fatin sira seluk Sri Lanka nian. Ha’u hakarak manifesta ha’u-nia prosimidade afetuoza ba komunidade sarani, ne’ebé sai alvu bainhira halibur iha orasaun, no ba vítima hotu husi violénsia kruél ida hanesan ne’e. Ha’u saran ba Na’i ema hotu ne’ebé lakon ho modu trájiku no ha’u harohan ba sira ne’ebé kanek no sira hotu ne’ebé terus tanba eventu dramátiku ida-ne’e” (21 Abríl 2019 depoizde Urbi et Orbi).

Maun no biin-alin sira

“Ha’u hakarak esprime filafali ha’u-nia prosimidade espirituál no paterna ba povu Sri Lanka nian. Ha’u besik liu  ba ha’u-nia maun-alin, kardeál Malcolm Ranjith Patabendige Don, no ba Kreda arkidioseze Colombo nian. Ha’u harohan ba vítima noo kanek sura-laek, no ha’u husu ba ema hotu atu keta laran rua-rua atu oferese ba nasaun doben ne’e tulun hotu ne’ebé presiza. Ha’u mós hein atu, ema hotu kondena hahalok terrorista sira-ne’e, hahalok la’ós ema nian, ne’ebé nunka bele justifika. Ita harohan ba Na’i-Feto …

[Ave, ó Maria]” (22 Abríl depoizde Regina Coeli)