Enkontru CIAO: kona-ba edukasaun

Hong Kong – Loron daruak loke ho   Lectio Divina kona ba paun fuan 5 no ikan 2 husi Evanjellu Jo. 6:1-15 ne’ebé prepara husi  Ir. Maria Ko, FMA.   Reflexaun ne’e tulun ami atu loke mai  nia neon kona-ba labarik haraik  ne’ebé  fó  hotu buat  uituan ne’ebé nia iha,  hodi  halakon ema lubun boot nia hamlaha.

Hamutuk ho ne’e Ir. Runita tulun ami ho pergunta 3 :

1. Paun fuan 5 no ikan baluk 2 ida-ne’ebé mak ami bele fó Jesus  durante enkontru ida-ne’e atu  bele fó-moris ne’ebé naresin ba foinsa’e sira?
2. Rekursu ida-ne’ebé de’it mak ita hetan iha foinsa’e sira ohin loron atu harii “Uma Komun?”
3. Rekursu saida de’it mak ó nia Inspetoria iha atu eduka foinsa’e sira ba “Uma Komun?”

Reflesaun   hirak ne’e sai nu’dar dezafiu  pesoal  mai ami  ida-ida hodi hateke ba foinsa’e sira ne’ebé nakonu ho rekursu   hanesan; prontu nafatin atu aprende buat ne’ebé foun,  korajen atu hasouru dezafiu sira, kreativa iha moris, matenek iha media komunikasaun, hakarak atu kontribui ba sosiedade ida-ne’ebé di’ak liu, iha hakarak boot atu servisu volontariadu, sensivel ba vida espiritual, ksolok, servisu iha grupu nst.  Ho tempu hanesan durante  partilha  iha konverjensia komun  ba rekursu sira  CIAO (Conferenza Inter-Ispetoriale Asia Orientale)  nian ne’ebé  tau Jesus ho Na’i Feto nu’udar  modelu ba asaun pastoral.  Nune’e Inspetoria ninia rekursu mak  komunidade edukativa, familia salesiana, foinsa’e sira no servisu iha rede.

Tuir mai Inspetoria ida idak aprezenta  empeñu   ne’ebé sira  foti iha  enkontru Yamanaka Japaun 2017 no impaktu  saida  de’it mak Sinodo kona-ba joven ; Fiar, dixernimentu vokasional lori ba foinsa’e sira  iha Inspetoria nia moris? Dalan saida mak halo depois de Sinodo?  Durante aprezentasaun bele haree kedas oinsa Institutu la’o hamutuk ho kreda universal tuir ida idak ninia  kontestu no ejizénsia sira, balun la’o lalais, balun la hela, balun foin mak hahú la’o, katak  hotu-hotu iha hakarak boot no hakarak  di’ak atu serbí Kreda tuir ita-nia karisma.

Liu tiha atividade loron tomak Ir. Runita taka aktividade hodi aprezenta projetu :”Io posso” hodi refere ba Exortasaun Apostólika “Laudato Si” No. 13.  Dezafiu urjente  atu proteje  uma komun tenki iha planu komun, nune’e de’it  mak umanidade tomak bele iha kapasidade  atu kolabora hodi harii ita-nia uma komun. Foinsa’e sira  husu mai ita mundansa ida.  Atu bele hatan ba foinsa’e sira nia husu, tan ne’e Ir. Runita aprezenta projetu ida-ne’ebé moris iha India iha tinan 2017 husi Inan ida ho naran Kiran Bir Sethi ne’ebé ko’alia kona-ba  oinsa fó poder  ba estudante sira ho maneira pro-aktiva hodi empeña  ba  sira-nia transformasaun hodi halo-di’ak  liutan  ba sira-nia an nu’udar ema no sira-nia kontestu. Metedologia:” Design for chance  kompostu husi elementu 4:

• Rona ho fuan:  observa, analiza, hanoin ho fuan)
• Imajina ho kakutak:  imajina oinsa atu resolve problema sira ho kreatividade no kooperativa.
• Agir ho  liman: faze emotivu; iha ne’ebé sira sente maka’as liu no sira bele troka mundo.
• Partilha ho liman no ain : fahe iha ninia komunidade rasik, kria sidadaun ekolójika ne’ebé da’et no inspira ema seluk.

Ho metodolojia ida mak bele halo korrente mundial  ho labarik no foinsa’e sira ne’ebé bele  troka sira-nia  vida no mundo. Atu realiza elementu 4 iha leten presiza komponente báziku 4 ho italiano C4 ho Lia tetum K4.

• Krítiku (hanoin krítiku)
• Kriatividade
• Kolaborasaun
• Komunikasaun

Tanba sa mak  ambitu Pastoral Juvenil propoin Métodolojia ida-ne’e ba Institutu? Tanba métodu ida-ne’e iha sintonia ho sistema preventivu Don Bosco no madre Mazzarello  nian katak pillar tolu : razaun, relijiaun no amorevolezza. Husi ne’e ambitu PJ husi sentru elabora fali dokumentu foun ida-ne’ebé adeguadu ba ita-nia sistema edukasaun ho tema : “Insieme noi possiamo”.

(Júlia Marçal)