Revista Tatoli Janeiru / Maiu 2019

Revista Tatoli Janeiru / Maiu 2019

Editoriál: Ita-nia vokasaun

FMA TIN Tatoli iha tinan ne’e sei sai de’it dala tolu, hanesan haktuir ona iha edisaun ikus tinan 2018.

Ba tinan ne’e ita sei la’o ho Kreda no ho Família Saleziana tomak iha atu moris tuir ita-nia empeñu batizmál, katak bolun ba santidade.

Papa Francisco ko’alia kona-ba tema vokasaun ba santidade ne’ebé “Concílio Vaticano II” fó  hanoin iha ninia dokumentu sira, esplika katak, santidade la’ós buat ruma ita buka, ne’ebé ita haka’as an ho ita-nia kapasidade rasik. Nia mak prezente ida, don ida husi Na’i Jezús, bainhira nia lori ita ho Nia, halo ita hanesan Nia. Santidade loos duni, don ida oferese ba ema hotu, la ezklui ema ida, no ne’e mak karakterístika própria sarani ida-idak nian. Santidade ida-ne’e Maromak husu iha ita-nia moris loroloron, iha ita-nia “ohin salvasaun nian”.

Santidade iha Família Saleziana iha fatin ba hotu, hanesan ita haree iha Estréia Reitór-Mor nian ba tinan ne’e: “santidade ba ó mós”; ba ki’i k no boot, ba joven ka adultu, ba konsagradu relijiozu ka leigu, tuir ida-idak nian. Santidade loroloron nian ne’ebé sai realidade iha moris nakonu tuir karizma salezianu: Zeman, Stuchlý, Lustosa, Zatti, Srugi, Sandor, Lunkenbien no Simão Bororo, Comini, Ana María Lozano, Laura Vicuña, Alexandrina Maria da Costa, Teresa Valse-Pantellini no barak seluk tan…

Nune’e, tinan ne’e ita iha oportunidade boot atu la’o iha sintonia ho Amu-Papa nia apelu iha Gaudete et exsultate, ne’ebé buat ruma karizmátiku. Don Bosco no Madre Mazzarello mak gia boot sira iha sentidu ida-ne’e, ho kapasidade atu inspira no akompaña foin-sa’e sira iha dalan santidade loroloron nian.

Tags: Tatoli