Segundu novisiadu: tema sira reflesaun nian

Segundu novisiadu: tema sira reflesaun nian

Tema: Moris Fraterna
Iha loron 11-14-07-2019, iha ami nia segundu Novisiadu nian, ami haklean Tema: kona ba ‘’Moris Fraterna’’ iha komunidade. Moris fraterna mak moris ne’ebe ita fahe domin no sai sinal komuñaun kreda nian. Iha reflesaun sira Kreda nian kona ba moris fraterna, tulun ami atu hatene liutan valor sira domin nian. Karidade mak tali atu sai perfeitu hodi hala’o apostuladu diak nu’udar komunidade ne’ebe hakarak serbi Maromak deit. Halo Kreda no uma eskola komuñaun nian, hodi promove espiritualidade komuñaun nian ne’ebe dezenvolve ami nia kapasidade, atu sente ita nia maun-alin sira iha fiar nu’udar ha’u-an rasik, fahe ho nia ksolok, susar, terus, atu bele siik nia hakarak atu tau matan ba nia presiza no atu oferese ba nia amizade lo’os no klean. Iha artigu konstituisaun 49-51, 53-55 no 64, ko’alia kona ba moris no serbisu hamutuk iha Na’i nia naran mak ita nia Vokasaun nia elementu esensial ida.
Husi dokumentu sira kreda nian no ita nia konstituisaun tulun ami atu hakle’an liu tan kona ba moris fraterna iha komunidade, hodi moris komuñaun kle’an ho Kristu, realiza moris espiritu familia, iha ne’ebe fahe ksolok, espontaniadade, karidade, serbisu hamutuk, domin, respeita malu, komprensaun, simplisidade, hatene simu, dialogu, agradese, rona, perdua malu no koreksaun fraterna. Ho reflesaun hirak ne’e halo ami sai konsiente liu tan hodi halo ami nia empeñu pessoal atu moris di’ak liu tan iha ami nia komunidade.
Obrigada barak…………….!!!
Grazie Sr. Sebastiana Soares, FMA.
Fuiloro, 14-7-2019j
Segundu noviciado 2019, Sr. Honória FMA & Sr. Martinha FMA.

ALIANSA DOMIN NIAN

Iha ami nia enkontru ami haklean kona ba aliansa domin nian ho Maromak. atu ami esperiensia Nia domin mai ami loron ba loron minutu ba minute Nia domin ida ne’e. Maromak nia domin ba ita ema mak prezente ida Nia domin la ho kondisaun Nia domin rohan laek. Kompara ho ita ema nia domin ne’ebe iha limite no iha kondisaun.
Aliansa mak Faktu entre Maromak no ema iha nia promessa, iha matrimonio,atu sai ida deit ho Nia domin. Aliansa iha historia religosa mak akordu ema ho Maromak, harii iha Jesus Kristu Nia misteriu paskal. Maromak nia aliansa ho ita ema halo iha eukaristia iha ne’ebe Maromak hakarak saran Nia moris rasik, atu ema ne’ebe fiar iha Nia bele hetan moris rohan-laek.
Tuir espiritualidade Don Bosco no Madre Mazzarello nian hodi saran-an tomak hodi serbi foin-sa’e feto no mane sira. Husi reflesaun hirak ne’e halo ami hametin liutan ami nia aliansa domin nian ho Maromak iha ami nia primeira profisaun.

Thank-You Sr.Cecilia Del Mundo, FMA.

DIMENSAUN MARIANA
Iha pontu ha’at ne’ebé importante iha Maria nia moris.
• Maria inan prototipu
• Maria feto ida
• Maria feto fiar na’in
• Maria dissipulu Jesus ni’an

Maria Maromak nia inan ne’ebé hatais rai nian nu’udar virjem, Moris iha kondisaun hanesan ema normal ida nian hola parte iha moris bain-bain fó roman ba Maromak Nia Oan Mane hodi hola parte iha historia real ida. Maria mak feto forte no haraik-an ne’ebé simu risku sá de’it atu Ninia sim la’os dala ida de’it maibé iha nia moris tomak. Hanesan ita ema nia mós dúvidas, tauk, triste, inseguru maibé ho fiar simu Maromak nia planu ba nia ho ninia Oan. São João aprezenta Maria nu’udar Jesus Nia dissipulu iha rai Kaná Maria aprezenta nu’udar Jesus nia inan. Iha tempu ne’ebá kedas mak Maria sai dissipula Jesus nian. Tan ne’e mak Maria sai inan spiritual ba kreda tanba nia mak ema dahuluk entre fiar na’in sira. Sakrifika ninia Oan Mane rasik ba ema seluk nia di’ak. Liu husi refelesaun ida ne’e, ami haré dimensaun mariana iha karisma Salesiana Maria nia intervensaun edukatuva nian iha Institutu no vokasaun FMA nia misaun no Maria mak inspiradora no kontinua sai mestra no inan ba FMA ida-idak nune’e familia relijiosa pertense tomak ba Maria.

Thank you Sr. Ermelinda Gomes, FMA

Sr.cherlyFMA & Sr.M.Natalina FMA

ITA NIA MISAUN
Iha loron 17-21-07-2019, iha ami nia segundu Novisiadu nian, ami haklean Tema: kona ba ‘’ita nia Misaun.’’Hanesan Jesus nia misaun mai husi komuñaun no domin nian entre Aman ho Oan, nune’e husi intimidade entre Jesus no Nia Eskolante sira. Ida ne’e hatudu Jesus nia domin boot ba sira, mosu eskolante sira nia misaun : “ Hanesan Aman haruka Ha’u mai iha mundu nune’e mos Ha’u haruka sira ba mundu. No tanba sira mak Ha’u halo-An santu, atu sira mos bele sai santu iha lialoos. ” Ita nia misaun mai husi Aman nia inisiativa salvsaun nian ba foisa’e feto sira, liu-liu foinsa’e feto sira ne’ebé ki’ak iha moris espiritual no umanamente. Ita nia misaun kontinua obra salvasaun ida ne’ebe Maromak hakarak ba ema hotu-hotu, no hodi ita ba joven sira hotu. Don Bosco no Madre Mazzarello hare hetan ida ne’e, Dom Bosco hetan iha joven idak-idak iha buat ne’ebe pozitivu, no Madre Mazzarello “Ha’u entrega sira ba o” Madre Mazzarello la rai mensajen ba nia a’an rasik maibe fahe ho nia belun, nia ksolok atu salva klamar sira. Tuir Jesus nia ezemplo, nu’udar Kristu Bibi Atan Di’ak Nian, ita sei lori duni joven sira ba salvasaun tanba iha abut misaun edukativa nian ita hetan inisiativa gratuita husi Maromak domin nain, Aman, Oan no Espiritu Santo.
Husi artigu 63-76 ko’alia kona ba misaun salvasaun nian ba foinsa’e feto sira, tulun ami atu reflete klean liu tan kona ba ita nia misaun edukativa ne’ebe ami hasoru no hala’o ona iha ami nia moris, liu-liu iha komunidade sira ne’ebe ami hela ba, atu moris didiak sistema preventivu, hodi eduka integralmente foinsa’e no labarik sira ne’ebe ami hasoru iha misaun. Iha LOME no Dokumentu Kreda nian ne’ebe ami haklean fo inspirasaun foun mai ami, hodi hateke luan liu tan ba realidade foinsa’e sira ohin loron nian, iha mundu teknologia, halo ami atu sai matan moris liu-tan atu ajuda sira uza didiak meios teknologia hodi haklaken ba maluk sira ne’ebe seidauk koñese Kristu.
Obrigada Madre Evangelina Xavier, FMA.
Fuiloro, 22-07-2019
Segundu noviciado 2019, Sr. Honória FMA & Sr. Martinha FMA.