Forum MJS: Santidade ba ó mós. Ó mak Maromak nia ohin

Forum MJS: Santidade ba ó mós. Ó mak Maromak nia ohin

Fatumaka – Tema forum nasionál 2019 mak “Santidade ba ó mós. Ó mak Maromak nia ohin”. Atividade ohin nian hahú ho rejistrasaun ho totál 550 ho komunidade SDB 9 (Maliana la partisipa) no FMA komunidade 9 (Kaillaku la partisipa) hamutuk ho sira nia animadores. Depoizde rejistrasaun kada komunidade hasai foto hamutuk no halo sira nia yel-yel ho estilu salesiano no animasaun. Komisaun la espera katak padre Provinsiál  bele marka presenza durante abertura tanba laiha oráriu ba loron dahuluk. Nia mensajem kongratula estrutura MJS tan hili Fatumaca nudar fatin favoravel ba formasaun no orasaun tan iha kedas Santuáriu Maria Auxiliadora.  Hafoin sira fó   tshirt MJS 2019 no id card ba nia. Madre Alma la marka presenza maibé husik hela mensajen audio no foin-sa’e sira rona ho atensaun. Maski nia neon-kraik labele marka presenza tanba iha retiru anuál ho provinsiál sira Ázia nian iha Yamanaca Japaun, nia haksolok bele fó hela mensajen ne’e. Hafoin kontinua kedas Misa abertura iha gruta. Iha omilia pe. João Boavida nu’udar delegadu PJS SDB hateten atu sai animadores  aprende atu rekoñese iha ita nia an nia frakeza sira atu bele mos simu ema seluk nia frakeza.

Depozsde misa mai fali Iha GYM Centro Treinamentu Carlo Gamba atu han kalan no kontinua kedas ho adorasaaun no konfisaun.

Maski malirin maibé la impede entuziasmu no ksolok salezianu foin-sa’e MJS sira.

(Angelita Gomes)