Dili – INDIMO organiza Kompetisaun Aptidaun nivel nasionál no konvida mós ETV Mazzarello tinan ida-ne’e. Husi eskola haruka estudente na’in neen atu tuir no kompete  iha área “bed making”, “table service” no “food preparation”. Aleinde ne’e iha mós kompetisauniha área téknika seluk hanesan kanalizasaun bee, eletrisidade, nst.

Sira ne’ebé tuir ba área ne’ebé liga ho hotel no restaurant mak husi DIT, Sentru Formasaun Tibar, Sentru Salele, STVG, Sentru Formasaun Vizaun Foin-sa’e. ETDA. Eskola sira ne’ebé partisipa eskola Tékniku-Vokasionál Bekora, Eskola Tékniku-Vokasionál Fatumaka no Eskola Tékniku-Vokasionál Venilale.

Objetivu ba kompetisaun mak promove foin-sa’e sira ne’ebé iha abilidade no koñesimentu ba merkadu traballu. Liuhusi kompetisaun ida-ne’esai promosaun id aba foin-sa’e sira atu habrani an no iha mentalidade korajoza, maski hasoru ema barak.

Motto ba kompetisaun ne’ebé hala’ohusi loron 6 to’o 8 Novembru mak “Aprender para saber e saber para fazer”.

Tuir estudante ETV no Diretora Eskola nian hateten katak, organizadór/a sira kompetisaun nian la ko’alia lia-loos. Tanba, bainhira sira simu konvite no ko’alia diretamente ho organizadór, nia dehan katak la presiza lori sasán no ekipamentu tanba komisaun organizadora mak iha repsonsabilidade atu garante. Maibé, iha realidade sira la fó. Daruak la iha onestidade husi parte sira ne’ebé kompete tanba, bainhira ita tuir kompetisaun loloos, ita prepara sasán no prosedimentu hotu durante jogu kompetisaun. Iha kontráriu, ami haree balun subar iha sira-nia aventál no bolsu, “fehuk ne’ebé ko’a ona”, nst. Sira simu tiha fehuk ne’ebé seidauk ko’a, depois bainhira juri ba tiha, sira soe iha lixeira no sira uza ida-ne’e ko’a ona ne’ebé sira lori ho. Nune’e mós, grupu ida besik sira lori paun ne’ebé prontu ona, maibé ikusmai la uza, tanba la tama iha kompetisaun.

Tuir estudante Ana Romana, “husi esperiénsia durante kompetisaun ne’e ami aprende katak, bele oinsá karik bá, ami hakarak hala’o serbisu ho onestidade no laran moos”.

To’o fali iha Venilale, estudante sira fahe tutan esperiénsia ne’ebé sira hetan iha Dili, iha eventu kompetisaun nasionál ne’e. Diretora eskola, Ir Fabiola, ne’ebé akompaña estudante sira hateten ba estudante hotu katak, “la importante manán ka lakon, maibé hala’o serbisu ho loos, ho onestidade. Buat ne’ebé imi aprende iha-ne’e imi buka aplika bainhira imi ba serbisu, no keta monu iha hahalok ladi’ak sira”.

Tuir estudante sira ne’ebé tuir kompetisaun, “maski ami la hetan prémiu, maibé ami manán esperiénsia no hametin ami-nia konviksaun valór sira-nian, liuliu onestidade, hanesan Don Bosco no Madre Mazzarello hanorin”. Ida tan, “Ami sei nivel eskoa sekundária mós ami bele ona kompete ho sira ne’ebé nivel aas liu ami.

(Maria Patricia-Zulmira-Renisia-Mazarella-Oscar-Ana Romana)