Papa Francisco (naran: Jorge Mario Bergoglio, dexendente husi Piemonte-Italia nian), moris iha Buenos Aires 17 Dezembru 1936. Nia estuda no hetan diploma nu’udar tékniku kímika nian, maibé ikusmai hili dalan saserdósiu nian no tama iha semináriu Villa Devoto nian. Iha 11 Marsu 1958 tama novisiadu Kompañia Jezús nian, halo estudu umanitáriu iha Chile no iha 1963, fila ba Buenos Aires, konsege lisensiatura filozofia iha Fakuldade filozofia koléjiu «San José» iha San Miguel.

Entre 1964 no il 1965 nia sai profesór literatura no psikolojia nian iha koléjiu Santa Fe nian no iha 1966 hanorin matéria hanesan iha koléjiu Salvatore iha Buenos Aires.

Husi 1967 to’o 1970 nia estuda iha Fakuldade Teolojia iha koléjiu «San José», San Miguel nian, iha ne’ebé nia konsehe lisensiatura.

Nia simu ordenasaun iha 13 Dezembru 1969.

Iha 1970-71 nia remata ninia “probandato” da-3 iha Alcalá de Henares (España) no iha 22 Abríl 1973 halo ninia profisaun perpétua.

Sai mestre novísiu nian iha Villa Barilari, San Miguel (1972-1973), profesór iha Fakuldade Teolojia, Konsultór Provínsia no Reitór kóléjiu San Jose nian. Iha loron 3 Jullu 1973 eleitu Provinsiál Arjentina nian ho kargu ba tinan neen.

Entre 1980 no 1986 nia sai reitór koléjiu aas liu nian no Fakuldade Filozofia no Teolojia no pároku iha parókia Patriarca San José, iha Dioseze San Miguel.

Iha Marsu 1986 nia ba Alemaña atu hotu nia teze doutorál; nune’e superiór sira haruka nia ba koléjiu Salvatore, no sai mós diretór espirituál no konfesór iha sidade Cordoba nian.

Iha 20 Maiu 1992 S. João Paulo II nomeia nia Bispu titu;ár Auca nian no Ausiliár Buenos Aires nian. Iha 27 Juñu tinan hanesan nia simu iha katedrál Buenos Aires nian ordenasaun episkopál iha Kardeál Antonio Quarracino, Núnsiu Apstóliku Ubaldo Calabresi no Bispu Mercedes-Luján nian, Dom Emilio Ogñénovich nia liman.

Iha 3 Juñu 1997 hetan nomesaun nu’udar Arsebispu Koadjutór Buenos Aires nian no iha 28 Fevereiru 1998 Arsebispu Buenos Aires nian tuir susesaun, hafoin kardeál Quarracino nia mate.

Nia mak autór livru: «Meditaciones para religiosos» iha tinan 1982, «Reflexiones sobre la vida apostólica» iha 1986 no «Reflexiones de esperanza» iha 1992.

Nia sai Ordináriu ba sarani sira ritu orientál hela iha Arjentina ne’ebé la bele hetan Ordináriu husi sira-nia ritu rasik. Sai Gran Chanceler Universidade Katólika Arjentina nian.

Sai Relatór Jerál adjuntu iha Asembleia Jerál Ordinária da-10 Sínodu Bispu sira-nian iha Outubru 2001.

Husi Novembru 2005 to’o Novembru 2011 sai Prezidente Konferénsia Episkopál Arjentina nian.

S. João Paulo II foti nia ba Kardeál iha “Concistório” 21 Fevereiru 2001, ho Títulu ba S. Roberto Bellarmino.

Nia membru: Kongregasaun sira ba Kultu Divinu no Dixiplina Sakramentu sira-nian; ba kLeru; ba Institutu Vida Konsagrada no Sosiedade vida apostólika; Pontifísiu Konsellu ba Família; Pontifísia Komisaun ba Amérika Latina.

Eleitu nu’udar Papa iha 13 Marsu 2013.