Venilale – Ohin 14 Fevereiru, Estudente sira Eskola Tékniku Vokasionál Santa Maria Mazzarello Venilale selebra loron Domin nian hamutuk ho mestre/a sira iha eskola. Festa ne’e realiza iha tuku 14:30 loraik no objetivu halo festa ne’e atu fó oportunidade ba joven sira rasik organiza hodi promove protagonizmu. Momentu dahuluk, hahú ho reflesaun ho tema ” Domin Loos nian” ne’ebé Ir. Maria Bernardina FMA mak fó.

Domin loos nian mak domin ne’ebé iha ksolok, laiha rohan no hatene apresia ba buat hotu ne’ebé nia simu. Domin loos ida ne’e ita hetan deit iha Maromak basá Maromak hadomi ita la ho kondisaun. Nia lahare ba ita nia frakeza no limitasaun sira maibé Nia nakonu ho mizerikórdia, maravilla. Dala bara ita hadomi malu tuir tempu maibé Maromak hadomi ita laiha tempu no laiha rohan. Tan ne’e ita mós iha knaar atu bele fahe no fó domin ida ne’e hanesan Jezús hanorin no hatudu ona mai ita. Domin loos ida ne’e ita presiza taumatan mak liu housi hafoun an nafatin iha Jezús nia domin ne’ebé horik iha sakramentu sira. Liuliu sakramentu rekonsiliasaun no Eukaristia.

Liutiha reflesaun ne’e kontinua ho jogus dansa balaun. Hafoin merenda hamutuk no halo divertimentu. Ema hotu sente domin no ksolok iha festa ne’e.

(Alice Gama Filipe FMA)