Halo memória no agradese Maromak ba prezensa FMA tinan 25 iha Fuiloro

Halo memória no agradese Maromak ba prezensa FMA tinan 25 iha Fuiloro

Fuiloro, 11 Jullu 2020 tinan ne’e mak Komunidade Beata Maddalena Morano Fuiloro, selebra  tinan prata nian. Komunidade ne’e hahu ninia existensia iha loron 08 Jullu 1995, ho Irmã  Pioneira  nain lima:  Sr. Maria Fe Silva nu’udar Directora da Komunidade, Sr. Maria Letizia, Sr. Olivia Sadaya,  Sr. Sancha Neto, Sr. Joana Amaral. Komunidade ne’e harii ho objetivu atu hatan ba foinsae feto sira liu-liu harii Dormetorio ba SPP feto sira, ho Salesiano sira hotu nia tulun, liu-liu ho Pe. Jose Vattaparambil,sdb nia esforsu  bele realiza fatin ne’e sai fatin furak ida ho naran Koléjiu Morano Larimaca.

Ohin comunidade FMA tomak agradese liu husi Eukaristia Santa ne’ebe selebra husi Padre Rolando Fernandes, Sdb no mos Amululik Salesiano sira husi Lospalos no Fuiloro hasae hahi no agradese hamutuk ba Tinan 25 prezensa FMA nian iha Fuiloro. Tema ba Selebrasaun ne’e mak “ Agradese Nai Nia kmanek ba nafatin”

Iha omilia dader nian padre Rolando foti esperensia iha tinan 25 liu ba, liu-liu ho prezensa Madre FMA dahuluk nian ne’ebe ho vontade diak hakarak tulun foinsae feto sira atu bele hetan futuru diak iha sira nia moris. Ho Madre sira nia prezensa ohin loron bele hetan menina sira barak ne’ebe susesu iha vida Relijioza FMA nian no balun hetan diak iha sira nia moris sarani nian.

Misa hotu Konvidadus sira tama ba refectório hodi hare fila fali vídeo badak kona ba Madre FMA sira nia prezensa iha tinan 25 liu ba. Hafoin almosu hamutuk e konviviu simples ne’ebe hato’o husi Menina Kolejiu sira kona “Agradese mak Ksolok moris nian ne’ebe fahe hamutuk iha uma ida nia laran mak Komunidade”. BOAS FESTAS!

Ines Bartolo Freitas