Domingu XXII Tempu Komún – Tinan A

Domingu XXII Tempu Komún – Tinan A

Liturjia Domingu XXII Tempu Komún nian konvida ita atu deskobre “krús nia babulak”: asesu ba moris loos no nakonu ne’ebé Maromak hakarak oferese mai ita liu husi dalan domin nian no dalan moris nian (krús).

Iha leitura dahuluk, profeta ida Israel nian (Jeremias) deskreve ninia esperiénsia “krús” nian. Jahwéh nia sedusaun ho liafuan midar, halo Jeremias fó nia moris tomak ba Maromak nia servisu no Ninia projetu sira. Iha “dalan” ne’e, nia tenke enfrenta ema kbiit-na’in sira no sadik lójika mundu nian; tanba ne’e, nia tenke terus, esperimenta solidaun, persegisaun… Ne’e mak ema hotu ne’ebé simu Jahwéh iha fuan no moris iha koerénsia ho Maromak nia valór sira nia esperiénsia.

Leitura daruak konvida sarani sira atu oferese moris loroloron nian ba Maromak. Paulo garante katak ida-ne’e mak sakrifísiu ne’ebé Maromak prefere. Oferese moris loroloron, tuir Paulo, signifika katak, ita la konforma ita nia an ho lójika mundu nian, ita aprende atu dixerne Maromak nia planu sira no moris tuir.

Iha Evanjellu, Jezús aviza dixípulu sira katak dalan moris loos nian la liu husi triunfu no ézitu umanu, maibé liu husi domin no don moris nian (to’o mate, se karik presiza). Jezús liu husi dalan ne’e; no ema ne’ebé hakarak sai ninia dixípulu tenke aseita atu la’o iha dalan hanesan.

Download