Arkidioseze Metropolitana Dili loke selebrasaun tinan 80 ninia ezisténsia

Arkidioseze Metropolitana Dili loke selebrasaun tinan 80 ninia ezisténsia

Loron ksolok ba sarani sira iha Arkidioseze Metropolitana Dili, loron abertura ba tinan 80 ezisténsia Dioseze Dili nian (1940 – 2020).

Tema selebrasaun: “Per Mariam Ad Iesum”.

Sai Dioseze inan ba Dioseze rua seluk iha ita nia rai Timor Leste. Dioseze Dili harii iha loron 4 Setembru 1940 husi Amu-Papa Pio XII.

Arsebispu Don Virgilio do Carmo da Silva, fó nia mensajem ba sarani Arkidiosexe Dili tomak, katak la to’o de’it atu halo Memória ida, no festa ho tarutu maka’s, maibé mak momentu atu kontempla no selebra Maromak Nia Domin mai ita. Haree ba tinan 80 fó hanoin fali idade avó ida nian, ne’ebe’ iha oan no bei-oan sira barak. Tinan 80 mak pasu ida la’o ba oin, no lori unidade iha kreda nia oan sira nia moris. Selebra ita nia vida nu’udar kreda Kristu nian. Nia konvida sarani sira hotu atu hola parte iha preparasaun hotu atu haboot liután fiar no domin ba Maromak, ne’ebe’ halo ita sai Kreda nia oan sira. Selebrasaun boot sei akontese iha loron 8 Dezembru 2020.

Nu’udar Kreda nia oan sira, ita FMA haksolok atu hola parte iha selebrasaun ne’e ho ksolok no domin oan nian.

Tags: Kreda