Laga – Fulan setembru fulan Bíblia nian, nunee animadór/a grupu Infánsia Misionária mak anima. Hamutuk ho lider sira Infánsia nian, sir aprepara atividade ho objetivu atu hakle’an Bíblia, Testamentu Tuan no Testamentu Foun.

Ho sira nia kriatividade hahú ho animasaun ne’ebé sira rasik mak halo hodi kolabora ho Irmán sira, Irmán Paulina mak prepara orasaun nian; Ir Fátima prepara power point hodi tulun labarik sira atu sira bele hatene liutánn Bíblia  ba moris sarani.

Depoizde aprezentasaun kona-ba Bíblia, animadora sira fahe partisipante sira ba grupu ida-idak ho sira ida-idak mós, hodi halo jogu kona-ba Maromak ninia Liafuan ne’ebé sira rona, no saida mak sira hatene. Momentu tuirmai mak estuda no prepara ba konkursu iha semana ne’ebé mai  iha loron ikus fulan nian.

Animadora sira Infánsia Misionária nian ne’ebé anima iha semana larna mak Elda, Maria, Melisa, Marquita, Eugenia,Tomasia.

(Angelita Gomes FMA)