Formasaun kona-ba prevene moras covid-19

Formasaun kona-ba prevene moras covid-19

Venilale – Iha loron 17 Outubru, Irmán na’in rua ho reprezentante komunidade edukativa na’in sanulu no staff klínika nian, tuir formasaun kona-ba prevensaun pandemia Covid 19. Formasaun ne’e fasilita husi Caritas Dioseze Baucau ho objetivu atu asegura nafatin ambiente suadavel.

Hanesan ita rona ka hatene ona,  moras tan coronavírus (COVID-19) mak moras infesioza ida kauza husi coronavírus ida foin mak deskobre. Maioria ema sira ne’ebé hetan moras ne’e iha sintoma kmaan no rekupera lahó nesesidade ba tratamentu espesiál. Maibé tanba moras ne’e hadaet liuhusi kabeen, ema nia mear, fanin ka hasai kabeen tasak ka iis, fasil atu hadaet ba ema seluk, tanba virus ne’e hela iha ár no iha rai ka fatin sira nia leten. Ema hotu bele sai infetadu maski la hatudu sintomas sira. Se ema ida pozitivu covid 19, maskinia la iha sintomas, nia bele hadaet virus ba ema seluk, tan ne’e mak presiza auto-izolamentu.

Sintoma Covid 19 baibain iha isin-manas, mear maran, kolen; sintoma la komún mak isin moras, moras iha kakorok, diareia, konjuntivite, ulun moras, lakon gostu iha nanál ka iha olfatu, kulit iritasaun ka lakon kór iha liman-fuan no ain…

Iha formasaun ohin, ko’alia liuliu kona-ba oinsá fase liman, uza máskara, oinsá fanin no mantein distánsia sosiál.

(Abelita Babo FMA)

Tags: covid-19