Laga – Selebra Domingo misaun nian ho tema Hau mak nee haruka hau ba! Hatan ba apelu mensajen Amu Papa nian grupu Asosiasaun sira iha Orfanatu Laura vicuna Laga halao ‘Expo Misio’ ho tema “Labarik tulun labarik” atu buka fundus hodi haruka ba komunidade 2 iha Sumba liuliu suporta atividades  Oratorio iha Sumba Bondo Kodi no Pala. Aleinde nee fundu nee mos sei tulun grupu asosiasaun sira atu halo peregrinasaun ba Foho Ariana Venilale iha semana mai.

Labarik idaidak buka atu prepara hahan ruma nunee bele faan. Sira halo sakrifisiu barak iha preparasaun aihan no material relijiozu sira.

Labarik orfaun sira mak prepara buat hotu no Irman FMA sira akompana sira iha aktividades nebe halo. Maski osan nebe hetan kiik maibè osan nee mai husi labarik orfaun sira nia serbisu rasik. Sai misionario iha jestu kiik sira.

(Angelita Gomes FMA)