Fuiloro, 16 Novembru, Komunidade Beata Maddalena Morano Fuiloro, Selebra Festa Mahein Komunidade nian hahú ho Laudes dadeer nian hamutuk ho menina Koléjiu Sira, hodi hahí ba Maromak ba prezente Santidade nian ne’ebé hatudu husi Beata Maddalena ninia moris nu’udar edukadora no mestra ba foin-sa’e sira.

Iha Lokraik oras tuku 18.30  selebra Eukaristia Santa ne’ebe prezide husi Padre Transfiguração Antonio Pinto, sdb. Iha omilia padre foti husi evanjellu Saun Joaun 15:1-5 ko’alia kona-ba Uvas-hun mak Kristu rasik  no sanak sira mak frutu misaun nian ne’ebé Madre Morano hala’o iha nia vida nudar Irmán Saleziana hodi loke obra barak dirije ba dezenvolvimentu feto sira iha iha mundu edukasaun nian.

Relasaun vida Místika Madre Morano nian ne’ebé Nia hetan husi Ninia relasaun kle’an ho Maromak iha ninia moris pesoál lori nia atu moris iha vida axétika katak halo di’ak wain ba ema seluk hodi serbisu ba kiak sira nia salvasaun.  Nune’e ho nia ezemplu sira halo ita brani atu fó sasin laran-manas nian ba Kristu iha ita-nia misaun hamutuk ho foin-sa’e sira iha koléjiu ne’e.

Selebrasaun ne’e fó hanoin fali bmai ami-nia komunidade atu foti ezemplu Beata Maddalena Morano nian hodi moris iha pratika Da Mihi Animas Cetera Tolle.

(Ines Bartolo Freitas FMA)