Kristu nia amigu iha ninia misaun

Kristu nia amigu iha ninia misaun

Baucau – Iha Diocese Baucau, hahú dia12-13 marsu 2021, durante loron 2 animadores sira husi grupu kategoriais io-oin: OPIAM, AKOLITOS, JOVEN BA KRISTU, OTARORIU, ne’ebé mai husi Manatutu, Lospalos no Baucau atu tuir konferensia ne’ebé  preside husi Amu Bispu, Padre José Gonzaga, Padre Arlindo Leonardo atu hare kona ba mudansa balu ne’ebé Amu Bispu halo liu-liu kona ba: Pastoral infnacia no adolexente no mos asuntu responsavel ba MISSIO Diocesanu ne’ebé muda ba Vigararia Episcopal para assuntos pastorais. Tamba ne’e asuntu ne’ebé trata iha konferensia ne’e mak:

@ Komprende Estatutu MISSIO no relasaun MISSIO ho grupus kategoriais iha nivel infansia  no adolexente.

@Knaar animadores

@Knaar Sekretariadu MISSIO Diocesanu

Enkontru loron dahuluk nian Amu Bispu Diocese Baucau Dom Basilio do Nascimento ne’ebé ko’alia kona ba knar animadores nian iha Kreda ne’ebé foka ba parte tolu:

-Animador ida simu responsabilidade atu forma ema seluk, nia simu knar ne’ebé Kreda tau iha nia kabas maibe uluk nanain nia tenki koňese uluk Kristu.

-Durante tempu buka moris iha Maromak nia grasa no sai Jesus nia eskolante iha momentu hotu.

-Hatene pozisaun animador no formador ne’e oinsa?

Amu Bispu mos hateten tan: hanoin ba katak imi nia objetivu  principal mak : atu fo sasin ba Kristu no halo ema hatene Kristu liu-liu atu Katekese ka evanjellu ne’ebé imi lee ka haklaken ba ema sira, sira bele komprende no esplika ho sira nia lian rasik atu sira bele neineik-neineik sira bele komprende kona ba Jesus Kristu no imi hanoin nafatin ba katak Jesus Kristu iha imi nia kotuk nafatin ne’ebé ko’alia ba imi: “imi ba mundu tomak haklaken evanjellu”. Hafoin Amu Bispu remata ninia konferensia, kada represetante husi grupu ida fahe sira ida-idak nia esperiensia no atividade sira ne’ebé durante implenta iha grupu laran.

Iha loron tuir mai, Amu Bispu  aprezenta tema ida kona ba: Plano Diocesano sobre kuidadu pastoral ba labarik sira. Iha tema ida ne’e nia laran Amu subliňa no fo esplikasaun kona ba liafuan pastoral katak: atualiza Jesus Kritu nia liafuan iha tempu ohin loron, laos atu ba hafoun maibé oinsa halo Jesus Kristu  ko’alia ba ema ohin loron. Hodi halo mos planu katak laos deit hanoin kona ba ativdade, musika, dansa…. Maibé hodi hanoin no preokupa tansa mak nia tenki aprende atu halo tuir buat ne’ebé Jesus Kritu haruka.

Animador sira  mos presiza deskobre situasaun, problema no desafius oi-oin ne’ebé mundu ohin loron hasoru ka enfrenta liu-liu kona ba labarik sira nia realidade iha tempu ohin loron nian.

Ikus Amu Bispu husik hela mensajen hodi dehan: Animador sira imi nia knar mak atu rona Maromak nia bolu ba imi, keta tauk no preokupa atu ba ko’alia saida ba ema hirak ne’ebé imi sei ba hasoru, hanoin ba katak hanesan Moises ne’ebé preokupa wainhira Maromak haruka nia atu  ba ko’alia maibé Maromak dehan ba nia katak “laos ó mak sei ko’alia maibé Ha’u”.

Hafoin iha oras balun tuir mai Padre José Gonzaga apresenta kona ba Estatuto MISSIO no servisu MISSIO iha Timor-Leste.

Remata konferensia sira, Padre José Gonzaga entrega oficialmente knaar ne’ebé nia halo durante ne’e, nu’udar direktor OPIAM ba Padre Arlindo Leonardo Sequeira da Silva ne’ebé nu’udar director foun MISSIO nian ne’ebé sei servisu hamutuk ho ninia equipa sira hanesan Ir. Elizita Gonzaga, FMA no mos ho foin-sa’e nain 2, no ikus liu Amu Bispu hamutuk ho diretor foun no membru sira ba oficializa mos fatin sekretariado MISSIO Diocesano nian ne’ebé sira sei uza atu hala’o servisu ne’e.

Obigada barak!

Cesarina Correia, FMA

Tags: OPIAM