Fuiloro – Loron 4 de Janeiro, ami Irmán sira komunidade St.Teresa D’Avila Baucau halo paseiu tinan foun 2022 nian iha  KOM-Lospalos, ho laran haksolok tebes hodi komtempla Maromak nia liman fatin no Maromak nia maravilla liu husi natureza nia furak. No ami espresa ksolok ne’e liu husi Irmán ida-idak nia ksolok no domin. No loron tuir mai 5 de Janeiro ami kontinua ami nia paseiu hamutuk ho Irmán sira komunidade Beata Maddalena Morano Fuiluro iha Pantai Walu no liu ba Jaco ho bero, ida ne’e halo irmán sira haksolok tebes tanba balun foin primeira vez sa’e bero no ba Jaco. Ami haksolok tebes ho fatin ne’e no haksolok liu tan bainhira komunidade rua ne’e paseiu hamutuk hodi fahe ksolok, domin no hametin liu tan ami nia relasaun amizade nian nu’udar bin alin iha kongregasaun Salesiana tanba paseiu mos hola parte iha ami nia moris no ksolok Salesiana nian atu bele hametin ami nia espíritu família.