Dili – Iha loron 9 Maiu Eskola Maria Auxiliadora halo konursu kona-ba Madre Mazzarello nia moris  ba asosiasuan sira iha Eskola. Loron ne’e mak loron moris Madre Mazzarello nian, Molok hahú Directora Eskola Maria Auxiliadora Ir. Suzana Alves dos Santos fó liafuan ruma ba estudante sira. Nia hateten katak iha fulan Maiu mak fulan ne’ebé dedika ba Maria nune’e, ita ita-idak sei reza tersu iha familia. Iha komemorasaun ne’e hato’o ba alunu/a sira kona-ba Santu no Santa sira nia moris. Liuliu fulan Maiu ne’e nia laran mak Festa ba São Domingos Savio, Santa Maria Domingas Mazzarello no Na’i-Feto Maria Auxiliadora nian.

Konkursu mak modalidade ida atu alunu/a sira hatene no hakle’an liután sira-nia ita-nia santu sira nia moris santidade nian. Alunu/a sira ne’ebé tuir konkursu mak grupu Asosiasaun sira: DB, MM, LAURA VICUÑA, S. DOMINGOS SAVIO, OPIAM, JORNÁL PAREDE, DESPORTO NO AUXILIUM. Husi partisipante sira sente kontente hodi partisipa eventu ne’e to’o remata. No manan-na’in ba eventu ida ne’e mak: 1⁰  OPIAM, 2⁰  LAURA VICUÑA NO 3⁰ JORNÁL PAREDE. Iha biban ida-ne’e mós fahe ksolok no domin hodi hametin liután devosaun ba Maria Tulun-Na’in. Premiadu sira sei hetan sira-nia prezente iha loron festa, katak 13 Maiu.

(Sidonia Freitas FMA),