Enkontru mundiál Novisa ho tema “Korajen! Mehi aas!
Dili – Iha loron 9 Maiu 2022 oras 13:00 Italia no 20:00 OTL hala’o enkontru mundiál Novisa nian ho Tema “Korajen! Mehi Aas”! Ohin Madre dehan.
Enkontru ne’e prepara husi Ambitu Formasaun nian, relasional ho festa 150 anos fundasaun Institutu Filhas de Maria Auxiliadora nian, ne’ebe konvida no husu ami novisa ida-idak atu iha mehi saida ba FMA iha futuru.
Nov.Flavia:
Inkontru mundiál novisa nian, ha’u senti kontenti liu tanba primeira vez ha’u tuir inkontru ida ne’e, no hasoru novisa sira husi nasaun seluk. Buat ne’ebe halo ha’u konteti tebes mak; ami fahe iha grupu ami nia mehi atu sai Filhas de Maria Auxialiadora, hodi fo kontribui ba 150 anos ita nia Institutu nian. Presensa auxiliadora no jere vida.
Nov. Esmeralda
Ha’u agradese ba Madre Chiara Cazzuola no Irmán Nilza Fatima ne’ebé organiza inkontro ida ne’e. Atu haklean liutan ha’u nia domin ba Institu Filhas de Maria Auxiliadora. Liuhusi inkontro ida ne’e haforsa ha’u atu fiel liutan ba ha’u nia vokasaun no la’o nafatin ho Maria hanesan Madre Mazzzarelo nia hanorin. No ikus liu ha’u nia mehi depois inkontro ida ne’e “sai presenza Auxiliadora ne’ebé gere moris.”
Nov. Lucia:
Ha’u agradese ba Irman sira iha ambitu formasaun nian nebe prepara atividade ne’e. Husi ha’u, sente kontente ho enkontru mundiál ne’e, nebe halo ha’u koñese belun novisa sira iha mundu tomak liu liu ami bele partilha esperiensia furak no mehi sira nebe ami hakarak atu to’o nudar ser FMA ida. Tulun mos ha’u ba festa tinan 150 harii institute ne’e halo ha’u bele hateke fila fali ba abut no sente katak Nain Feto, DB no MM nafatin akompaña liu Hetan Korajen no Ksolok atu la’o ba dalan santidade nian.
Nov.Vero:
Ha’u agradese ba enkontru mundiál Novisa nian ida ne’e fo kontibuisaun ba selebrasaun 150 anos institutu FMA. Maske hasoru malu liu husi zoom,maibe halo ami espresa ksolok konese no hola parte iha espiritu familia.Husi Me.Mazzarello nia liafuan fo hanoin mai ha’u sai oan ida ne’ebe aten brani haksolok no tau laran metin iha Jesus iha dalan vokasaun nian.
Nov. Inosência: Uluk nanain ha’u agradese ba ambitu formsaun ne’ebé forma enkontru mundiál Novicias nian ida ne’e. Ba dala rua ne’ebé ha’u tuir enkontru ida ne’e ha’u sente kontente liu tamba bele hatene Irmán novisa sira iha mundu tomak. Liu husi enkontru ida ne’e ba preparasaun festa 150o anos fundasaun institutu nian ami ida idak fahe ami nia mehi ba futuru FMA no ha’u nia mehi ba futuru FMA mak “hakarak sai FMA ida ne’ebé besik liu ba Jezús ho simplesidade, generoso, haksolok hodi la’o hamutuk ho foinsa’e sira ba dalan santidade nian”.
Nov. Novia Lestari Daeli
Ha’u agradese tebes ba Institutu, liu-liu ba ambitu formasaun nian, ne’ebé kontinua buka no hafoun ami nia formasaun tuir realidade ohin loron nian. Mai ha’u ne’ebé esperiensia inkontro ida ne’e ba dala rua, sente kontente no orgulho ba maravilha ne’ebé Istitutu simu liuhusi vokasaun FMA ne’ebé kontinua buras iha mundu tomak. Iha liafuan 3 ne’ebé hela iha ha’u nia hanoin depois inkontro ida ne’e mak: Kriatividade: ne’ebé FMA ida-idak iha, hodi uza rede social atu halibur ami hamutuk novisa sira. Unidade: iha ne’ebé de’it FMA hela, la’o hamutuk nafatin nu’udar Maria nia oan feto sira ne’ebé fó tulun no esperansa ba foin-sa’e sira. No fidelidade: ba karisma nia rikusoin hodi kontinua haklean ho ami ne’ebé mehi “sai FMA ne’ebé jera moris.”
