Komunidade simu konvite atu tuir Aksi Panggilan iha Eskola SMP St. Yakobus-Kelapa Ganding.

Jakarta (Indonesia) – Iha loron 20 Maiu, Timor-Leste Selebra loron Restaurasasun Independénsia, ita reza ba Paz no Unidade iha nasaun ida ne’e. Ita mós reza ba Presidente Foun Dr. Ramos Horta.

Iha loron ksolok ida-ne’e, 20 Maiu 2022, mak komunidade mós simu konvite atu partisipa iha Aski Panggilan Eskola SMP St. Yakobus, ho tema: “Panggilan itu mengembirakan”.  Kongregasaun kuaze 12 mak simu konvite atu tuir atividade ‘aksi panggilan’.

Atividade hahú iha tuku 6:30 Kongregasaun sira too ona iha fatin atu prepara ida-idak nia ‘stand’ ne’ebé panitia prepara. Iha tuku 7:30 hahu halibur ho estudante sira no panitia aprezenta Kongregasaun sira ba alunu/a sira. Hafoin Kongregasaun ida-idak ba iha sira nia fatin, hodi simu estudante sira atu fahe istoria no Misaun kona ba Kongregasaun.

Tan tempu limitadu liu, buka dinámika oinsá atu bele aprezenta Institutu.  Dinámika panitia uza atu hala’o mak fahe estudante sira ne’ebé hamutuk foin-sa’e na’in 200 ba grupu no iha kada grupou estudante sira na’in 15. Kongregasaun ida-idak iha nia ‘stand’ simu estudante sira,  iha minutu 15 atu esplika, halo animasaun, no fo tempu ba estudante sira se iha pergunta, no wainhira oras to’o sira tenki muda ba stand sira no ita simu fali grupu foun. Bele dehan organiza di’ak loos. Hafoin remata ho Misa, no Eskola fó lembransa ba Kongregasaun  ida-idak.

Atividade remata ho Misa no oferese mós hahán meiudia. Husi Komunidade FMA Irmán sira Alexandrina, Maria Dolores no Veronika mak tuir atividade.

(Alexandrina Pinto FMA)