Venilale – Ohin, 27 Juñu 2022,  realiza kompetisaun TIKTOK ba eskola sira no mos ba grupu kategoria sira. Ensinu Báziku 1⁰ no 2⁰ siklu ne’ebé partisipa ba kompetisaun ne’e mai husi EBF Watuhaco, EBC Watuhaco no EBF Waicana. Mai husi grupu kategoria sira mak Oratorio Fatulia grupu 2, Oratorio Waihaco, Oratorio Sentru no Orfanatu S. Domingos Savio Venilale.

Ensinu Báziku 3⁰ Siklu ne’ebé tuir kompetisaun mai husi EBC S. Cristovão, EBCP Waibua, EBCP Bercoli grupu 2 EBC Lia Oli no Oratorio Sentru.

Eskola Sekundária ne’ebé tuir kompetisaun mai husi ESG Jaime Camacho Venilale, ESC Don Bosco, ETV Mazzarello, Animador oratoriu sentru no grupu foinsae husi Fatulia “Nakata”.

Sai klasifikasaun dahulukiha kompetisaun ne’e iha nivel EB 1⁰ Siklu mak Oratorio Waihaco, EB 2⁰ Siklu mai husi Eskola S. Cristovão no nivel Sekundária mak ETV Mazzarello.

(Alice Filipe FMA)