Comoro (Dili) – Iha 22 Setembru Ekipa husi INDMO, halo avaliasaun ba Sentru João Paulo II Comoro ko’alia kona-ba Planu ba Akreditasaun Sertifikadu I iha Ospitalidade Jerál.

Sentru Formasaun ne’e foin mak ba dala uluk atu aplika Sistema treinamentu Formasaun iha Ospitalidade no mós hetan asisténsia husi INDMO, señor Fortunato da Conceição ho ninia ekipa, agora dadaun hamutuk hela ho Responsavel Sentru Ir. Isaura Ornai Belo, FMA.

Asuntu ne’ebé haree hamutuk atu hadi’ak liuliu ba área ospitalidade mak uluknanai kapasita formandu sira nia abilidade iha área  refere, fulan neen iha ospitalidade no fulan neen iha alimentár.

Haree ba istóra formandu sira ne’ebé mai pratika iha Sentru Formasaun JP II, sira hamutuk 12 husi área ospitalidade no Alimentár hamutuk na’in 12.  Kada tinan sira troka malu mai pratika iha Sentru ne’e.

Haree husi esperiénsia ne’ebé liu ona, hodi hanoin no avalia hamutuk ba preparasaun Akreditasaun nian mak presiza kompleta dokumentu Sentru nian, fasiilidade Ekipamentu no materiál sira, no Kualifikasaun kada formadór no formadora Sira.

Señor Fortunato rasik móa fó hanoin ba sentru atu hasa’e formandu sira-nia kapasidade, la to’o de’it iha teoria no prátika maibé mós halo formasaun ba sira nia an atu bele la’o hamutuk iha teoria no prátika.

(Ines Bartolo Freitas FMA)