Fuiloro – Iha 1 Dezembru 2022, Ami Komunidade Beata Madre Madalena Morano Fuiloro, hamutuk ho menina kursu sira hodi prepara ba graduasaun, ne’ebe sei realiza iha dia 3, ami hahu ho retiru, konfesaun no santa misa, ne’ebe preside husi Pe. Jose De Sa, SDB.

Iha Padre Nia omilia ne’ebe dehan: imi laos deit aprende kona ba computer maibe aprende mos kona ba etika, moral no oinsa atu lori-an didiak. No padre dehan tan: imi tenki sai matenek hanesan ema ne’ebe hari nia uma iha fatuk leten, anin huu, udan tau maibe uma ne’e metin nafatin.

Se mak rona Maromak Nia Liafuan no tau iha pratika nia mak sai Tabernakulu iha Lalehan.

Nune’e iha loron kmanek ida ne’e ami hahi no agradese ba diak hotu ne’ebe Na’i haraik ona mai ami iha tinan ida ne’e. ami agradese ba madre sira no profesora sira ne’ebe fahe ona matenek mai ami. Ami mos agradese ba aman- inan sira ne’ebe suporta nafatin ami iha ami nia prosesu aprendizazem.

(Komunidade Morano-Fuiloro)