Epifania Na’i nian – Tinan A

Epifania Na’i nian – Tinan A

Liturjia Domingu ne’e nian lori ita ba manifestasaun Jezús nian nu’udar “roman” ne’ebé dada povu hotu raiklaran nian ba Nia. “Roman” ne’e inkarna iha ita-nia istória, atu leno ema sira ho proposta ida salvasaun/libertasaun nian.

Leitura dahuluk haklaken kona-ba Jahwéh nia roman ne’ebé to’o ona; nia haksolok Jerusalém no dada povu hotu mundu nian ba Maromak nia sidade.

Iha Evanjellu, ita haree promesa ne’e ninia konkretizasaun:  “Ema matenek sira” (“magos” ho gregu) ba hasoru Jezús, matan moris ba sinál sira kona-ba Mesias ne’ebé mai, simu Nia nu’udar “Maromak nia salvasaun” no adora Nia. Salvasaun ne’ebé mahorik sira Jerusalém nian rejeita, agora sai oferta universál.

Leitura daruak aprezenta projetu salvasaun Maromak nian nu’udar realidade ida ne’ebé sei atinje umanidade tomak, hodi halo sai ida de’it judeu no jentiu sira iha komunidade ida maun-alin sira-nian – Jezús nia komunidade.

Download