Domingu IV Tempu Páskua – Tinan A

Domingu IV Tempu Páskua – Tinan A

Domingu dahaat Páskua nian mak “Domingu Bibi-Atan Di’ak nian”, basá tinan-tinan iha domingu ne’e, liturjia propoin parte ida husi kapítulu 10 Evanjellu nu’udar João haktuir, iha-ne’ebé nia aprezenta Jezús nu’udar “Bibi-Atan Di’ak”. Ne’e mak tema sentrál ne’ebé Maromak nia Liafuan propoin ba ita-nia reflesaun.

Evanjellu aprezenta Kristu nu’udar “Bibi-Atan”, ho misaun atu hasai Maromak nia bibi sira husi moris-atan nia ukun no lori ba du’ut matak ne’ebé haraik moris nakonu (kontráriu ba bibi-atan falsu sira, ho objetivu atu aproveita de’it bibi sira ba sira-nia di’ak). Jezús kumpre misaun ne’e ho domin, iha respeitu absolutu ba bibi ida-idak nia identidade, individualidade no liberdade.

Leitur daruak mós aprezenta mai ita Kristu nu’udar “Bibi-Atan” ne’ebé bali no lori bibi sira. Katekista ne’ebé hakerek testu ne’e insiste, liuliu katak, fiar-na’in sira tenke tuir “Bibi-Atan” ne’e. Iha kontestu leitura ohin nian, tuir “Bibi-Atan” katak hatán ba injustisa ho domin, ba aat ho di’ak.

Leitura dahuluk trasa dalan ne’ebé Kristu Bibi-Atan, husik atu ema sira tuir; presiza konverte an (katak husik eskema sira moris-atan nian), sai sarani (adere ba Jezús no tuir Nia) no simu Espíritu Santu (simu Maromak nia moris no husik Nia hafoun no nakfilak ita-nia moris).

Download