Tema
Liturjia domingu ne’e nian fó hanoin katak Maromak nia intervensaun libertadora besik ona no halakan esperansa iha fiar-na’in sira nia fuan: “imi keta laran susar: haksolok bá, basá libertasaun atu to’o daudaun”.
Primeira leitura haklaken katak Na’i to’o daudaun, atu haraik moris foun ba nia Povu, atu liberta nia no lori nia ho ksolok no festa iha rai liberdade nian.
Evanjellu deskreve, Jezús Mesias nia hahalok sira: halo matan-delek sira haree, halo ema ai-kude’ik sira la’o. Fó isin di’ak ba moras-lepra sira, ema tilun-diuk rona, mate sira moris hi’as fali, haklaken ba kiak sira katak “Reinu” justisa no dame nian to’o ona. Ne’e mak kuadru moris foun no esperansa nian ne’ebé Jezús mai atu oferese.
Segunda leitura konvida ita atu keta husik dezesperu manán ita bainhira ita hein Na’i, maibé hein Nia ho pasiénsia no laran-metin.
