Editoriál: Dalan pós-kapitulár
Ho sentimentu agradese, maski ita moris tinan ida difisil tanba Pandemia coronavirus nian no situasaun seluk, ita bele esperimenta nafatin Maromak nia Providénsia no laran luak. Hotu-hotu moris momentu istóriku ne’e ho matan fiar no esperansa nian, iha atensaun ba Maromak nia bolun sira mai ita. Ita haburas moris orasaun no moris fraterna, maibé ita mós loke ita-nia uma ba ema sira ne’ebé presiza, no bainhira la iha konfinamentu, ita bá hasoru maluk sira ne’ebé presiza iha sira uma.
Eventu boot liu ba Institutu FMA nia moris mak selebrasaun Kapítulu Jerál XXIV. Konsege halibur Kapitulár na’in 172 husi kontinente lima iha Casa Generalizia (Roma-Itália) mak milagre boot ida ita esperimenta. Asembleia Kapitulár, hodi husik Jezús no Maria nia prezensa iha Kaná leno nia, halo hilin indispensavel tolu: horik iha formasaun kontínua ba impulsu vokasionál foun, la’o iha sinodalidade, atua iha rede iha ekolojia integrál nia perspetiva. Asaun tolu ne’ebé nia fiu kondutór mak “profesia prezensa nian”, ka ita-nia “horik iha” kontemporaneidade, pesoalmente no komunitariamente.
Ne’e duni, ita simu bolun atu hala’o moris nu’udar vokasaun ho ita-nia identidade mariana espesífika no atu deskobre hikasfali karizma salezianu iha ninia dinamizmu apostóliku misionáriu tomak. Ita entrega ita-nia dalan pós-kapitulár ba Maria, ita-nia Inan, Mestra no Gia.
(JG)
