Preparasaun ba solenidade Imakulada Konseisaun 2022
Koroa ida fitun sanulu-resin-rua nian
Knananuk ida hahí no agradesimentu nian ba Maria iha aniversáriu da-150 fundasaun Insitutu FMA nian
“Sinál boot ida mosu iha lalehan: feto ida hatais loron nian, ho fulan iha nia ain okos no koroa fitun sanulu-resin-rua iha ninia ulun“. (Ap. 12: 1-2).
“Ita-nia buat boot sira sempre iha ninia inísiu no kumprimentu ih aloron Imakulada Konseisaun nian “. (MB XVII, 511)
Ita nia preparasaun ba solenidade Imakulada Konseisaun nian hakarak sai espresaun ida agradesimentu nian ba Maria, hanaruk iha moris konkretu FMA ida-idak nian no komunidade edukativa oioin nian, reprezenta husi fitun 12 atu tau nu’udar koroa ba Imakulada iha selebrasaun tinan ne’e nian ba fundasaun Institutu FMA nian ba tinan 150.
Ne’e duni, ita sei hahú iha loron 26 Novembru. Sei propoin video ida minutu 6 nian loroloron.
Video ida-idak sei prevé, uluknanai. Intensaun partikulár membru komunidade edukativa ida-nian (família, labarik no foin-sa’e, profesór/a sira…).
Hafoin ita hakat ba referénsia fonte karizmátika sira-nian, foti husi Cronistoria nune’e mós husi Madre Mazzarello nia Surat sira atu fó hanoin kona-ba Institutu nia orijen.
Parte datoluk kontein mensajen ida Madre Jerál nian, Madre Chiara Cazzuola, ne’ebé kontestualiza temátika ohin nian no projeta ita ba futuru.
Reprezentante sira membru komindade edukativa nian husi parte oioin mundu nian kompartill aho ita espriénsia signifikativa Maria nian iha ssira-nia moris.
Iha finál, ema hotu ne’ebé prezente simu konvite atu harohan hamutuk ba Virjen Imakulada atu agradese no invoka ninia bensan sira.
Ita hein katak, remata preparasaun festa nian, bele haboot iha FMA sira, iha komunidade edukativa sira no iha foin-sa’e sira ne’ebé entrega mai ita, serteza katak Maria mak PREZENSA ida ne’ebé akompaña no halo santidade nafunan ema nia fuan no iha ambiente, hodi Espíritu Santu nia obra.
Ita remata proposta ho konvite ida ba ema hotu atu iha loron 8 Dezembru saran Institutu ba Maria Imakulada ho orasaun ida-ne’e:
Iha konkluzaun komemorasaun tinan 150 fundasaun Institutu nian, ita saran Institutu ba Maria Imakulada Auxiliadora
Inan Dulsisíma, Imakulada no ami-nia Auxiliadora,
ohin ami aprezenta ba ita Institutu tomak.
Simu nia iha ita-nia fuan Inan nian, proteje nia ho ita-nia mantu,
kura nia ho ita-nia liman kompetente, mamar no forte.
Ita mehi kona-ba nia loron ida, Ita forma Main no nia maluk sira-nia fuan,
ho liafuan nakonu ho enkantu no konfiansa. “A te le affido”.
Ita lori ba espasu boboot sira atu nia sai uma ida salvasaun nian
ba menina no feto-raan sira husi tempu oioin.
Ohin, nakonu ho konfiansa iha Ita-nia asaun Inan no Auxiliadora nian,…
ami konsagra Institutu ba Ita, atu ita kontinua halo nia sai ita-nian,
nu’udar Ita-nia kriatura, atu ita gia nia iha dalan sira ne’ebé Na’i trasa tiha ona,
atu Ita halo nia sai furak, santu, nabilan nu’udar feto kaben-na’in hafutar an ba laen,
no nia kontinua sai ksolok ba Maromak, ksolok ba foin-sa’e sira husi rasa no kór oioin,
ksolok ba kiak sira no lahó seguransa, ksolok ba Kreda no ba umanidade.
Simu nia bá, Maria, nu’udar Inan, nu’udar inan ida simu prezente ida
husi nia oan-mane no oan-feto sira. Ami empeña an ho Ita no ami saran an ba Ita,
basá Ita nafatin mak ami-nia Matadalan, Inan, Belun.
Amén.
