Fuiloro – Iha 3 Dezembru 2022 ami Comunidade Beata Maddalena Morano Fuiloro selebra Serimonia Graduasaun ba menina Kursu sira.
Uluk nanain Agradese ba Maromak tan fo ona oportunidade ba ami atu bele realiza Graduasaun ba tinan ida ne’e, agradese mos ba Madre Alma ne’ebe fo mesajen balun mai ami hodi motiva ami atu kontinua aplika buat ne’ebe mak ami aprende ona liu-liu atu haboot liu tan ami nia kapasidade atu hare, komprende no atende ba problema sira sosiedade laos deit, iha Lautem ka Baucau maibe iha TIMOR tomak karik iha Asia no mundo tomak, Madre Alma dehan: Hau espera que tinan ida ne’e imi bele desemvolve sensiblidade ne’e, bele reflete saida mak ha’u bele fo ba rai ida ne’e, imi simu de grasa imi mos fo de grasa, agora imi nia momentu atu fo fali buat ne’ebe imi simu iha tinan ida ne’e, agradese mos ba Aman Inan sira, ba konfiansa ne’ebe imi iha ba eskola ida ne’e.
Ami mos agradese ba INDMO no SEFOPE ne’ebe suporta no tulun ami atu bele foinsase sira ba kualidade ne’ebe mak diak ho tempu ne’ebe hanesan inan aman sira mos agradese ba Irman sira ne’ebe akompanha no tulun sira atu bele realiza sira nia aprendizazen ho diak. Serimonia ne’e taka ho almoco hamutuk.
(Komunidade B.Morano)
