Venilale, 23 Marsu 2023

Alice Filipe

Venilale – Iha loron 23, Marsu estudante ETV MAZZARELLO halo retiru kuarezma nian ho Pe. Isaias Bonifacio SDB. Tópiku ne’ebé haklean iha reflesaun ne’e konaba Jezús nia liafuan 7 iha kruz leten, maibé liuliu ” HA’U HAMROOK “( Jo. 19, 28).

Jezús nia hamrook ba saida? Nia hamrook ba ita-nia relasaun ho domin, hamrook ba ita-nia konversaun, hamrook ba ita-nia hateke ne’ebé nakonu ho kompaixaun no hamrook ba ita-nia hakuak.

Nu’udar ema ita mos dala barak hamrook, maibe ita-nia hamrook ita fo naran sente moris laiha folin, sente falta buat ruma iha ita nia moris.

Nune’e iha temp kuarezma ne’e ita prezisa dalan 3 atu ita bele sente haksolok iha moris ne’e: IDENTIFIKA. Ita buka hatene ita-nia hamlaha los ba saida ( Deut.8,3); EVITA.:Para konsumu buat aat ( Isaias.55,2); APRENDE: Aprende hateke ba Jezús Kristu atu ita bele hetan satisfasaun (Jo. 6,35.51).