26 Abríl 2023

Dili – Komunidade hotu Inspetoria TIN halo festa agradesimentu nian ba Madre Jerál, hamutuk ho Inspetoria Colombia haat ne’eb’e sai sede ba selebrasuan ne’e. Komunidade ida-idak prepara ho etapa tolu ne’eb’e propoin ba Institutu tomak ho tema jerál “Ho Maria ita hamoris kultura Dame nian”. Etapa dahuluk mak dame iha uma interiór; etapa daruak “dame iha uma ne’eb’e simu”, no etapa daroluk “dame iha uma komún”, ne’ebé husu mós hahalok konkretu sira.

Aleinde ne’e komunidade sira mós oferese rozáriu, hakle’an no partilla lectio Divina propoin husi Inspetoria sira Colombia nian kona-ba “Rahun di’ak ba sira ne’ebé serbisu ba dame”, no Santa Missa.

Ita hotu hatene katak Festa Gratidaun nian mak momentu forte komuñaun Institutu tomak ninan ne’ebé halibur hale’u Madre nu’udar sentru unidade no tali komuñaun nian entre Irmán sira no nu’udar Komunidade Edukativa, hamutuk ho foin-sa’e sira, leigu/a sira, família sira.

Inspirasaun mai husi Valdocco, iha Torino: Don Bosco, iha loron ninia onomástiku nian –24 Juñu, festa S. João Batista, patronu Torino nian – haksolok atu foin-sa’e sira esprime agradesimentu ba nia ho knananuk, múzika no ksolok uain. Festa dahuluk gratidaun nian iha 1849 no iha inísiu ho modu espontáneu husi foin-sa’e na’in rua ne’ebé oferese “fuan osan-mutin” rua ba nia (kf Memorie Biografiche III 354). Iha Mornese, ba Madre Mazzarello  festa gratidaun selebra iha loron 6 Jullu, loron ninia onomástiku, S. Domenica. Iha livru ‘Orme di vita tracce di futuro’ (Roma, 1996) iha dokumentu n° 56 (paj. 147-148) bele hetan inu ba Madre Mazzarello nia onomástiku 6 Jullu 1875. Iha Epistoláriu Madre Mazzarello nian hetan surat ruma hakerek iha fulan Jullu, ba menina sira Las Piedras nian mós (S. 44) atu agradese Irmán sira no menina sira ba augúriu ne’ebé nia simu husi sira.

Obrigada Madre Chiara Cazzuola ba ita-nia saran an tomak ba Maromak no ba misaun Institutu FMA nian!

(Redasaun FMA TIN)