Noemia de Deus, FMA.
Laga no Dili, 30/04/2023
Hatan ba bolun husi Santo Padre, Papa Francisco nian ne’ebé fo sai iha 24 maio 2015 liu husi Ensiklika Laudato Sí, fatuk murak ida nebe bolu hikas ita nia atensaun ba mundo kona ba tau matan ba uma komun. Nune’e iha Loron Sábadu, 30 Abril ne’e ekipa inter-Ambito realiza Seminar kona ba objetivu 7 (Hitu) Laudato Sí nian ba Familia Salesiana iha Zona rua; Zona Dili nian realiza iha Komoro no Zona Baukau nian realiza iha Laga. Partisipante sira husi besik Atus ida tolunulu (130) husi Zona Baukau no Husi Zona Dili mos besik Atus ida resin. Partesipa mos husi Comissão Juventude Católica Diocese Baukau (COJUCDBA). Seminar ne’e hato’o husi Ekipa Inter-Ambito sira.
Krisi hetan provoka husi pandemia global, halo mensajen laudato si sai profetika liu tan. Virus COVID-19 hatudu katak ita hotu iha ligasaun ba malu, interdependensia ba malu, haluan krisi ekologia no moras nebe hateten iha Enciklika. Ida ne’e konvite ida ba konversaun interior, halo prova ida ba ita nia relasaun ho Kriador, ho kriasaun no ho ita nia maun alin sira (cf LS 217). Prosesu konversaun ida ne’e hau husi fulan to tinan, Spiritu Santo bolu ita ba rikusoin spiritu nian nebe klean liu tan. Iha ita nia resposta ba konversaun ida ne’e, ita konxiente katak moris ita nia vokasaun atu TAU MATAN BA Maromak nia kreasaun mak parte esensial ida moris virtude (cf. LS 216). Presisa tebes asaun ida.
Asaun sira ne’e mak hatudu iha Objetivu 7 Laudato Sí nian: hatan ba rai nia hakilar; hatan ba kiak sira nia hakilar; promove economia ecologia; haburas moris simples no sustentabilidade; edukasaun ekolojia; haburas espiritualidade ekolojia; envolve komunidade hotu partisipa iha asaun Laudato Sí.
Husi objetivu Hitu ne’e halo ita konsiente katak ita presiza halo asaun ruma atu hadiak fali ita nia uma komun ne’ebé sofre liu ona. Ita lalika hanoin barak atu buka solusaun bo’ot sira ba tau matan no proteje ita nia uma komún.
