Editoriál:
«FIDELIDADE BA KARIZMA»
Tinan foun ho espíritu foun atu kontinua dalan sira ne’ebé Kapítulu Jerál husu mai ita “Hanesan iha Kaná no Mornese ita mak prezensa ne’ebé hahoris, promove no tau matan ba moris iha kontemporaneidade” (KJ 23). Kapítulu husu atu ita la’o bá oin no ita hilin prioritáriu sira atu implementa iha kontestu oioin: formasaun kontínua, sinodalidade misionária, raronak ba ema kiak no rai nia hakilar iha perspetiva ekolojia integrál nian.
Tan ne’e ita presiza nafatin konfronta ho Don Bosco no Madre Mazzarello atu tau iha sentru profesia prezensa nian, ne’ebé sira rasik hala’o ho an tomak, ho ton hotu karizma salezianu nian ne’ebé Irmán dahuluk sira iha Mornese interpreta ho modu jeniál no tipikamente femininu. Atu realiza prezensa signifikativa, iha momentu istóriku ida-ne’e, ita presiza investe iha formasaun basá husi ne’e mak depende Institutu nia kualidade moris nian no ninia misaun nia fekundidade.
Aleinde ne’e ita kontinua hakle’an Kreda nia hanorin no Papa Francisco nia majistériu, ne’ebé halo ita la’o hamutuk ho Kreda iha mundu tomak, hodi sai profesia iha tempu ohin.
Ba formasaun kontinua ne’e mak redasaun empeña maka’as atu fó tempu no enerjia ekstra, atu prepara artigu sira ne’ebé lee-na’in sira bele hetan iha espasu ida-ne’e.
(JG)
