JENERATIVA IHA MISAUN

 

Comoro, 02-03 Setembro 2023

Sr. Domingas da Silva FMA

 

Formasaun irman juniores Inspetoria TIN nian ne’ebé halao loron rua, akompaña direta husi irman Alma Castagna-Provinsial FMA TIN, ko’alia kona ba oinsa sai feto jenerativa iha aktividade pastoral (misaun). Enkontru ida ne’e hala’o uza metodu serbisu laboratoriu no dokumentu sira ne’ebé uza mak Biblia, Projetu formativu (kuda abut iha aliansa), Konstituisaun no livru Orientasaun Junioradu. Prosesu ba ami nia enkontru iha loron dahuluk nian mak hahu ho orasaun, charing iha asembleia bazeia ba pergunta reflesaun ne’ebé fo ona. Konkluzaun husi partilla  hamosu impeñu sira ne’ebé ami ida-idak sei pratika iha moris loro-loron:

• Domin: dedika-an ho ksolok no amorevolezza hodi tau matan ba labarik no foinsa’e sira.
• Sasin: Sai sasin Kristu nian ho ita nia hahalok no haklaken Kristu nia Liafuan.
• Agradese: agradese ba prezensa labarik no foinsae sira ne’ebé Na’i entrega iha ita nia liman.

Iha kalan haree filme “Mc Farland” hodi prepara ba enkontru loron tuir mai.

Iha loron daruak, enkontru hahu hodi fahe kona ba aspetu salezianu ne’ebé haree no deskobre husi filme. Aspetu salezianu ne’ebé hetan mak sai prezensa ativa no kreativa, liu husi ita nia hakbesik-an no kuiñese foinsa’e sira, lao hamutuk ho sira nu’udar belun ne’ebé hatene halo dialogu, iha konfiansa ba malu, harii amizade ne’ebé konstrui futuru no simu ho ksolok ema ida-idak nia diversidade. Formasaun kontinua hodi haklean iha grupu dokumentu sira ne’ebé sita ona iha leten. Husi dokumentu sira ne’ebé haklean tulun tebes ami atu sai laran manas liutan hodi fo an tomak iha misaun.

OBRIGADA MADRE ALMA!