Dili, 17/9/2023
Moniz Libanha
CAMPO BIBLIA
Ohin hamutuk ho oratoriano/a FMA nian husi komunidade S. José, kom. Balide, kom. Eusebia, kom DP no ADMA sira halibur hamutuk iha tasi tolu danau -1, hodi realiza campo Biblia ho tema: La’o tuir Moises nia ain fatin. Tuir mai fahe ba grupu hodi haklean etapa ida-idak.
Etapa I. Faraun nia poder no ninia logika hanehan Israel nia oan sira iha Ejitu.
Etapa II. Vokasaun no misaun Moises nian.
Etapa III. Pascoa Na’i nian no povu Israel sai husi Ejitu.
Etapa IV. Moises ho kbiit Na’i nian hasai povu Israel husi Faraun- Liurai Ejitu nia liman.
Etapa V. Na’i haraik aihan husi Lalehan hodi habosu nia povu Israel.
Etapa VI. Povu Israel iha rai fuik maran sira hamrok no Moises husu tulun ba Na’i nune’e ho kbiit Maromak Nia Liafuan nian hamosu bee.
Etapa VII. Maromak Nia aliansa domin nian ho nia povu Israel.
Etapa VIII. Maromak haruka Moises atu la’o ba Terra Prometida.
Depoide rotasaun ba etapa sira ami pausa hodi han meiudia.
Han meiudia hotu tiha grupu ida-idak aprezenta Fila-fali etapa ida-idak liuhusi drama.
Depoisde atividade hirak ne’e husi ekipa entrega ai-horis ba oratoriano sira nu’udar simbolu ita nia domin ba natureza no pratika iha moris Amo Papa nia liafuan ne’ebé konvida ita atu tau matan ba uma komun.
Ikus liu taka ho orasaun no merenda hamutuk.
