Laga, Iha 1 Dezembru Ami Selebra Loron Agradesimentu Nian Ba Me. Angelita, Me. Anita, Me. Paolina No Me. Cherly, Ba Vida Fraterna No Servisu Hamutuk. Misa Iha Dader Preside Husi Pe. Rui, Kalan Han Hamutuk Ho Salesiano Sira. Hafoin Atraksi No Taka Ho Boanoite Husi Me. Angelita. Tempu Hanesan 9 Anu Sira Mos Agradese ba komunidade no ba kolega Sira.
Iha dia 2 de dezembru lokraik komunidade tomak haksolok ba inagurasaun Infermeria. Ir. Angelita nudar diretora hatoi liafuan agradesementu ba Madre Ispetora nebe sai ona mediadora efetivu no diak ba doadores sira husi Fundasaun Opera Dom Bosco. Hafoin Madre Alma Castagna,nu’udar Inspetora hato’o mos ninia mensajem hodi dehan saude mak importante liu no husu atu idaidak hakaas tau matan ba nia saude nudar presente boot husi Maromak. Laos katak imi labarik sira hare infermeria furak imi hakarak sai moras atu mai toba maibè buka kuidadu nafatin saude. Nia mos dehan katak ita agradese ba ema laran diak no laran luak sira nebe tulun ita hodi harii infermeria nee.
Depoisde bensan iha merenda hamutuk ho Amu Rui Gomes no tio badae sira hafoin Madre Alma fila kedas ba Dili. Agradese mos ba badae sira nebe halo infermeria iha deit fulan 2 nia laran. Iha kalan Ir. Angelita no Ir.Cherly hatoo Boanoite nudar liafuan ikus hodi Agradese Komunidade No Labarik Sira liuhusi video powerpoint no video badak atu lori nabilan neebe sira simu ba fatin nebe deit sira ba. Liamenon ba orfaun sira atu komporta diak no usa tempu diak atu estuda ba sira nia futuru. Ir. Angelita hameno ba labarik sira atu reza ba nia intensaun. Nia mos dehan ba labarik sira atu hatoo obrigada ba familia sira no Boas Festa do santo Natal ba familia. Ita Reza Ba malu nafatin.
(Teresinha Belo FMA)
