Irmán doben sira,
Ha’u hakarak haruka ha’u-nia “Boa Quaresma ” ba komunidade ho krús ida ne’e, ne’ebé rai iha konventu ida iha Fransa (Lerins). Jezús iha krús, ne’ebé hamnasa midar fó hanoin mai ita katak krús mak hilin ida, ne’ebé asume ho hakmatek tanba mai husi Maromak nia laran-sadi’a. Fó hanoin mai ita katak Evanjellu mak Liafoun Di’ak, ksolok no esperansa nian, la’ós buat ruma ne’ebé triste no hatodan ita-nia moris!
Ha’u konvida imi atu lee Amu-Papa nia mensajen ba Kuarezma, ne’ebé konkretu liu no sei tulun ita atu hala’o Kuarezma tuir ninia espíritu loos.
Ha’u aproveita mós atu haruka kalendáriu to’o fulan Juñu nian: hanesan imi hatene, Kapítulu Jerál sei la hala’o iha fulan Abríl, maibé seidauk hatene ninia data loos. Nune’e, ita ba oin hodi kontinua ita-nia programasaun no iha ne’e sei hetan atividade to’o Juñu… hafoin ita hein atu simu notísia ruma tan husi Roma.
Obrigada barak no “Boa Quaresma”!
Sr. Alma Castagna
