Dili – Iha loron dahuluk tinan 2023, parókia Maria Auxiliadora haksolok ho prezensa “eminénsia” Kardeál Virgílio SDB ne’ebé mai selebra Santa Missa. Depoizde resepsaun hahú kedas ho orasaun atu fó bensan uma-kreda ne’ebé foin troka kakuluk no plafon. Hafoin nia entrega bouquet ai-funan ba Maria Auxiliadora. Iha momentu orasaun, Amu Virgílio mós konvida hotu-hotu atu hafoun domin ba Maria, Maromak Inan, Kreda nia Inan no Liurai-Feto Damen nian hodi harohan Ave Maria ida.
Iha omilia D.Virgílio lee Papa Francisco nia mensajen ba pás ho tema “Ema ida labele salva an mesak. Hahú hikasfali hamutuk atu kombate Covid-19 no trasa dalan sira ba damen”.
Molok remata Missa D. Virgílio agradese P.João Roque ne’ebé simu knaar seluk. Iha loron dira tuirmai parókia sei hetan pároku foun.
Nia husu atu parokianu sira atu iha loron primeiru 2023 nian hafoun kompromisu ba pás: kuda damen iha fuan, iha uma-laran, iha nasaun no iha mundu. Dame hahú husi ema ida-idak.
