Dili, 4-6 Janeiru, iha Komoro-Dili Irmán Ekónoma FMA husi Komunidade sira iha Inspetoria Timor-Indonesia halao Formasaun hodi aprezenta relatóriu anual no hahu fila fali loke kontabilidade ba Tinan foun 2023 nian.
Iha formasaun ne’e Me. Lanny Ganda, FMA, enkaragada Ekónoma Inspetoriál fahe kona ba Formasaun ne’ebé nia simu iha Roma fulan hirak liu ba. Nia dehan: “Knaar nu’udar Ekónoma mak misaun ida, nune’e husu ita atu halao ho domin. Ita la’ós emprezária maibé ita mak relijioza konsagrada atu administra. Ekónoma nia kualidade mak matan moris, prudente, dependénsia, pasiénsia no domin. Liuliu ekónoma mak ema ne’ebé bele sura didi’ak (penghitung yang baik). Buat hotu ne’ebé ita hala’o ho objetivu atu salva klaar sira. Ita nia bisnis mak ba klamar sira; salva ita rasik nia klamar no foin sa’e hirak ne’ebé ita tau matan ba nia klamar”.
Hafoin Irmán sira kontinua ho taka kontabilidade tinan 2022 nian ho pasiensia no domin hafoin loke fali kontabilidade 2023 nian. Agradese wain ba formasaun ne’ebé tulun liu tan Irmán sira iha kna’ar ne’ebé obediensia husu. Agradese mos ba konfiansa no kolaborasaun ne’ebé ita iha ba malu atu halao misaun ho ksolok hodi salva klamar barak ba Lalehan. “Ita labele salva mundo tomak maibé ho buat uituan ne’ebé ita bele halo, seguru ita bele salva mundu nia pedasuk ida”.
(Noemia de Deus FMA).
