Dili, 24 Novembru 2013
Irmán doben sira,
ita foin hotu ita-nia Kapítulu Inspetoriál no, hanesan tinan tinan, tempu to’o ona atu halibur hamutuk fali hodi programa tinan ne’ebé sei mai.
Ita-nia programasaun sei hala’o loron:
7 Dezembru 2013
tuku 16.00
iha Centro “João Paulo II”.
Loron 8 Dezembru tuku 9.15, ita-nia Programasaun sei hala’o hamutuk ho leigu no foin-sa’e sira ne’ebései hela ho ita to’o tuku 17; hafoin irmán sira sei kontinua serbisu mesak.
Loron 9 desembru, ita-nia programasaun sei kontinua iha nivel interambitu no loron 10 sei hala’o enkontru ho diretora sira no konsellu inspetoriál atu bele halo sinteze kona-ba buat ne’ebé asembleia no ambitu sira propoin.
Ami konvida husi komunidade sira partisipante sira ne’e:
- animadora lokál ho konsellu lokál
- irmán sira ne’ebé kolabora iha ambitu sira
- hamutuk ho leigu eh foin-sa’e sira ne’ebé servisu hamutuk ho responsabilidade iha komunidade (bele to’o na’in 3).
Atu bele partisipa no fó imi-nia kontribuisaun ativa, ami husu atu lori “Programasaun Tinan 6 nian” no “Programasaun 2012-2013” (se leigu ka foin-sa’e sira la iha tanba la partisipa bainhira sr. Paola aprezenta Programasaun 2012-2013 iha komunidade, bele fotokopia karik, nune’e sira mós partisipa ho ativu).
Irmán sira presiza lori mós livru orasaun nian. Tuir mai, komunidade ida-idak sei hetan knaar kona-ba liturjia.
Ami husu mós atu prepara an ho orasaun, atu buat ne’ebé ita sei programa no hakotu bele tuir Maromak nia hakaran ba ita-nia Inspetoria no komunidade ida-idak.
Hodi hein imi hotu, ami hato’o ami-nia kumprimentus.
Ir. Paola Battagliola
no Ekipa Programasaun nian
P.S.: Ami husu favór atu komunika ba ir. Alma molok 2 Dezembru, ema ne’ebé sei tuir Programasaun, nia naran. Obrigada.
