Dili – Iha loron Sesta loraik membru sira Infánsia Misionária kada Komunidade to’o iha Komoro (Kom. Eusebia) atu halo kampu bíbliku organiza husi ámbitu Misaun, ho Ir Alexandrina nu’udar koordenadora jerál camping nian. Objetivu husi Kampu Bíblia ida ne’e (21-23 Setembru) mak tulun labarik sira atu koñese liutan Saun Paulo nia viajen Misionária nian.
Sira ne’ebé partisipa mai husi Fuiloro, Laga, Venilale, Baucau, Komoro (Eusebia, Novisiado no Maria Auxiliadora), Balide (FMA Balide no Paroquia) nebe’e ho ema na’in 130 husi uma FMA nian no husi Parókia Balide na’in 40.
Iha sábadu atividade hahú ho orasaun dadeer hafoin Misa iha Parókia, no iha tuku 8.00 abertura ho Madre Provinsiál Me. Alma Castagna FMA. Iha liafuan Bemvinda ne’e Me dhn katak se mak Zakarias? No labarik sira hatan katak Zacarias mak São João Baptista nia Aman.
Me Alma esplika tan kona ba Zacarias nia knananuk hahi nian, tamba husi esperiensia oinsa Maromak haraik graça no bensaun wain ba Nia povo. 
Nune’e Me. Alma hakarak atu IM sira aproveita didi’ak momentu grasa ida ne’e. lia menon importante mak atu IM sira sai hanesan Saun Paulo ne’eb hadomi Jesus liu husi laran manas haklaken Jesus.
Pe. Agostinho Soares, SDB fó konferénsia kona-ba saida mak Missionário: “Missionária katak atu haklaken. Tempu uluk Missionária ne’e atu ba fatin seluk, maibe ba imi Infansia Misionaria haklaken Maromak Nia liafuan ba Familia, Eskola no iha fatin hotu nebe imi ba. tuir mai kona ba “Biblia fahe ba parte 2 maka: Antigo Testamentu (kona ba preparasaun atu simu Na’i Jesus nebe atu mai liu husi profeta sira) no Novo Testamentu (kona ba Jesus nia hahalok, moris no mós kona ba Igreja tempu uluk nian.)”.Jesus prepara Apostolo 12 atu kontinua Misaun ida ne’e. Nune’e mos São Paulo Jesus bolu atu haklaken Salvasaun ba ema gentiu sira”.
Atividade kontinua ho grupu sira atu hakle’an S. Paulo nia viajen misionária sira no komunidade sira nia liu ka hari’i: DAMASKUS, ROMA, KORINTU, GALATIA, ÉFESO, FILIPE, KOLOSO NO TESALÓNIKA. Depoizde hakle’an iha ida-idak nia grupu, hafoin, husi grupu rasik hili ema na’in rua atu sai misionária hodi ba haklaken fali iha grupu seluk.
Durante camping, labarik sira rona istória vokasaun Ir Gianna Spaggiari nian. Madre nia esperiensia fahe kona ba, bainhira ki’ik nia mos Infansia Misionaria nebe ativu. Bainhira Adolescente nia hakarak sai Madre, maske nia mama la kohi maibé nia aten brani nafatin hodi kontinua ninia hakar
ak hodi sai duni FMA. Depois halo nia Primeira Profisaun ba Tinan Ida nia ba kedas Misionaria iha Brasil. Durante Tinan Tolu resin Sia. Iha parte Amazonas nian: Iha situasaun ne’ebé difisil nia kontinua haklaken Kristu ba ema sira, liliu sira ne’ebé hela iha fatin izoladu liu. Ninia hakarak Misionaria nian lori nia lapara iha ne’eba, maibe kontinua to’o iha Timor. Nune’e, nia husu ba lnfansia Misionaria sira atu sai laran manas nafatin hodi haklaken Kristu.
Loron ikus grupu Infánsia Misionária ba iha Tasi Tolu, kapela S. João Paulo II atu selebra Eukaristia selebra husi padre diosezanu naran Agostinho. Iha Liturjia ohin nian konvida fila fali ita sarani fiar nain sira atu renunsia ba kona ba hanoin no matenek mundu nianka sabedoria do mundo. Maibe ohin maromak hakarak atu ita ema hili fila fali matenek no hanoin Maromak nian no dalan sa mak atu bele asesu ba moris rohan laek liu husi atetude Hare, Sensibiliza no Moris liu husi ema ki’ik no ki’ak sira.
Remata Misa ami fila ba Comunidade Eusebia no Boa Viajen ba Komunidade ida-idak.
(Honoria dos Santos)
