Dili – Iha loron Família Saleziana selebra memória mártir Salesianu na’in 2: S. Luigi Versiglia no S. Callisto Caravario. Nune’e mós ohin ami haksolok no agradese tebes ba Me. Alma no Institutu ne’ebé simu ami atu hakat pasu ida tan ba oin, hodi tama faze postulante nian.
Furak tebes, oinsa tuir Na’i nia dalan. Ne’e mak espresaun ksolok ne’ebé ami sente. Hanesan ami nia símbolo no motto ne’ebé dehan: “Ha’u mak mundu nia naroman, ema ne’ebé tuir Ha’u sei la la’o iha nakukun laran, maibé sei hetan naroman moris nian.” Tebes, se la ho naroman husi Jesus, ita la iha kbiit no brani atu haklaken Jesus hanesan martiriu na’in 2. Me. Alma nia mensajen iha loron ne’e mós fó korajen no hamatin liu ami nia hakarak atu hatan ba Na’i. Madre dehan “Ne’e mak tempu atu husik, ho modun hakmatek halo pasu…Aten brani nafatin, atu hatan ba Na’i nia bolu, sai klaru iha imi nia desizaun.”
Ami fiar katak ho Na’i nia grasa, ami sei haka’as an atu tau matan ba ahi ne’ebé lakan ona iha ita nia fuan. Atu nune’e bele fó roman ba ema hotu ne’ebé ami hasoru. Obrigada barak.
Post. Ana Lucita no Post Laura Pompeia
