Dili – Formasaun animadores fulan Marsu nian, hala’o iha dia 24 , formasaun hahu ho selebrasaun Eukaristia ne’ebé hala’o iha kapela Pustek Don Bosco, hafoin formasaun hala’o iha Gym Eskola Maria Auxiliadora nian, animador sira ne’ebé partisipa iha formasaun ne’e mai husi oratorio SDB no oratorio FMA, sira hamutuk 170 pessoa, formasaun remata oras 1.30 meiudia.
Formasaun ba fulan ida ne’e mak foka liu ba Santidade no projetu oratorio ida-idak, Oratorio SDB no oratorio FMA nian. Me. Julia mak nu’udar Formadora, lalaok ba formasaun diferente oituan hanesan babain, ne’ebé uza sistema monoton, maibé ba momentu ida ne’e uza sistema dinamika, hotu-hotu ativa atu partisipa fo ideia, sharing, jogos nst. Topiku ne’ebé madre aprezenta kona ba “Rahun diak no Santidade iha moris loron-loron nian”, hahu hodi apresenta katak saida mak santidade salesiana( nu’udar sarani bain-bain) hodi foti ezemplu husi liafuan santo/a salesianu sira nian no foti sira ezemplu sira; ba DB : Domin ba Maromak no maun alin sira no domin ba Maria no ba Jezus, sakramentu (2), MM Haksolok nafatin no fiel iha buat 
kiik, hala’o knaar bainbain iha ekstraordinariu (S. Domingos Savio), Hadomi Jesus no Maria (Laura Vicuna), hafoin reforsa tan Streia 2019, iha pontu balun ne’ebé dehan, hodi husu ba animador sira atu ; . Hala’o didi’a’k ida ida nia knar, Valoriza sakramentu rekonsiliasaun no Eukaristia, hodi Viajem hamutuk ho fiar no karidade, hatudu Sasin moris (nu’udar… animador…joven…), kuda Domin ba Na’i Feto, Santidade mak Ksolok. No husi ensiklika gaudete et exultate, Santidade posivel ba ema hotu, Moris sarani di’ak hodi kuda abut iha Kristu, sakramentu no Maria, Hadomi ha’u nia maluk sira hanesan ha’u an rasik, Ida-idak moris tuir nia estilu rasik.
Hafoin aprezenta mos kona ba objetivu projetu oratori; identifika hotu tiha haree ba imi nia realiadade tuir mai halo imi nia Programa ba annual
- Objetivu jeral:” hotu tenki haksolok nafatin”…Halo Oratoriu fatin Ksolok nian”
- Oinsa?
- …Planu Semanal(katekeza mai husi sentru)
- *aktividade: jogus… festeza loron Santu/a Salesiano… obras karidade, paseiu… Misa, konfesa.. Festa oratoriu… taka oratoriu… prepara an ba MJS Nasional, avaliasaun hamutuk…estatiska… nsst…Yel yel oratorio…Mahein Oratorio-santo/a ida.
(Maria Sarmento Guterres)
