Enkontru CIAO: kona-ba edukasaun
Hong Kong – Enkontru CIAO Iha Hong Kong hala’o husi 1-5 Maiu, ho tema “Educare Per La Casa Comune”. Animadora direta husi Konselleira Jerál ba Pastorál Juveníl Ir. Runita Borja no referente ba PJ Ir. Sarah Garcia. Partisipante hamutuk na’in 29 husi husi CIAO: Inspetora, koordenadora ba Pastorál Juveníl no responsivel sira ba eskola.
Husi Timor-Leste Ir. Alma Castagna Provinsial, Ir. Julia Fernandes, nu’udar Kordenadora ba PJ no Ir. Olga nu’udar responsavel ba eskola FMA.
Enkontru ne’e hahú ho Selebrasaun Eukarístika ba São José Operário. Hafoin Ir. Sarah fó-hanoin fali Tema ba enkontru ida-ne’e no ninia objetivu katak: “Fó kontinuidade ba enkontru komisaun CIAO ba Identidade eskola katólika FMA iha ida-idak nia Inspetoria ne’ebé realiza iha Yamanaka Japaun iha tinan 2017.
Iha abertura Ir. Runita loke enkontru hodi fó hanoin kona-ba Dimensaun 3 iha Pastorál Juveníl ne’ebé labele haketak malu.
- Dimensaun Sosial Evanjelizasaun nian
- Edukasaun ba Relasaun umana
- Kultura vokasionál
Agradese Maromak ba viajen ne’ebé di’ak no ba loron dahuluk ne’ebé realiza iha espíritu Páskua nian. Fatin enkontru iha Irmán S. Paulo sira nia uma retiru nian ne’ebé nakonu ho ambiente familiár nian.
(Júlia Marçal)
