Ba Irmán doben sira no Komunidade edukativa sira
husi Inspettoria “Santa Maria D. Mazzarello” (TIN)
Roma, 24 Dezembru 2019
Doben Irmán sira, foin-sa’e sira, membru komunidade edukativa sira
Hodi agradese ba Na’i no mós ba ita-nia Madre Yvonne Reungoat doben tanba konfia mai ha’u vizita kanónika ba imi-nia Inspetoria, ha’u hakarak haruka uluk surat simples ida ne’e loloos kedas iha loron Jezús ninia moris, ne’ebé mai iha mundu simu iha Família ida husi Maria no José nian no husi umanidade tomak. Mai ita prepara ita nia vizita hodi kontempla mistériu Na’i nian ne’ebé halo-An ba ema mai ita, no mai ita halo hodi Madre Mazzarello ninia fuan iha ne’ebé imi-nia Inspetoria mak dedika ba nia, hodi reflette iha ninia lia-fuan rasik: “Ha’u-nia irmán doben sira, ezemplu virtude kmo’ok hira mak ita bele aprende iha Jezús nia futar oin iha prezépiu! Medita kona-ba ne’e no imi sei haree fuan ne’ebé imi bele manán; nia sei sai wa’in se imi medita ho haraik an” (Surat 33).
Ha’u hakarak atu ha’u nia vizita nu’udar peregrinasaun ida: ha’u sei iha imi nia le’et nu’udar Irmán ida ne’ebé Madre mak haruka atu hasoru imi. Ita iha preparasaun ba Kapítulu Jerál XXIV no nune’e ita sei halo hamutuk hakat ida bá oin ho laran-metin iha Maromak no iha Maria nia prezensa, Jezús nia inan. Hamutuk ita sei fahe ksolok bolun nian atu kolabora nu’udar komunidade ba edukasaun foin-sa’e feto no mane sira nian no labarik sira nian, hodi simu inspirasaun iha modun iha ne’ebé Jezús no Maria sira envolve komunidade eskolante sira iha Kaná.
Ita-nia peregrinasaun sei akompaña husi Maria iha Senákulu hodi hein Espíritu Santu, no nune’e ha’u husu ba Nia, hosi ohin kedas, atu tulun ita atu moris ba enkontru ida idak hodi halo esperiénsia ida komuñaun kle’an nian. Ninia hateken simples no trasparente Inan nian tulun ita atu kuda hahalok interiór atensaun ba malu nian, atu bele foti buat ne’ebé Espíritu servisu iha ita ida idak no iha ita ida idak nia komunidade edukativa. Nia haraik nia kbi’it kontemplativa nian atu bele hakat liu aparénsia nian no hato’o mai ita ninia profundidade hateke nian atu bele haree invizível.
Ita-nia votus ba malu atu sai, loron ba loron, lalenok nabilan Maria ninia laran di’ak inan nian liután, atu sai – hanesan Madre Mazzarello dehan – “Maria nia ilas loloos”.
Hodi hein ho ksolok atu hasoru imi, ha’u kumprimenta imi ho domin no harohan ba imi ho modun partikulár iha dadeer-dadeer iha momentu saran-an nian ba Na’i-Feto, liu liu wainhira ita haroha ba Nia: “Ita, Feto tua foun nian, hamatan mai ami kapasidade atu rona, no nakloke iha novidade Espíritu nian, prezente iha istória ohin nian”
“Ha’u nia votus Tinan Foun, nakonu ho Bensan sira hotu husi Lalehan!”
Buon Natale!
Sr. Maria Assunta Sumiko Inoue fma
