Laga – Hahi no agradese wain ba Nain nebe Nia domin boot ba ita ida2k liuhusi ninia saran an ba mate husik hela mai ita Eukaristia, nutrisaun espiritual loronloron nian. Ami agradese tan ohin liturgia selebrasaun Solenidade Han kalan ikus Nai nian ho ninia apostolu sira, ami komunidade irman nain 6, menina OV 1 no orfaun nain 11 selebra ho solenidade hodi hananu kantiku gregorianu sira no labarik sira nebe lian furak halo solista ba salmo responsorial nebe halo misa ida nee sai solene tebes.
Pe. Rui Gomes mai selebra misa iha komunidade tuku 15.30. Misa sedu liu tanba padre sira iha parokia sei halo Misa online ba sarani sira. Depoizde misa ami akompana santissimo ba Parlatorio komunidade nian nebe inveita furak hodi simu bensan santissimo husi Amu selebrante hafoin ami kontinua ho adorasaun. Adorasaun tuir grupu. Irman ida-idak hamutuk ho labarik sira nain 2 ka 3 atu halo adorasaun oras 1 troka malu too orsida kalan tuku 12.00. Komunidade adapta orariu tuir adorasaun hodi la interompe adorasaun sira. Han kalan grupu ida2k ba han no laiha han hamutuk hanesan orariu bainbain. Ami nia vizinu balun husu atu mai tuir adorasaun maibe ami limite ba kada familia ema 1 ka 2. Tanba familia sira nee iha nostalgia boot ba santissimo. Maski nunee nafatin kria diatansia sosial hodi fo mos oportunidade ba sira atu adora Nai. Orasaun sira taka ho orasaun Hapara moras korona iha mundu no iha Timor.
(Angelfma)
