Dili – Ohin, 20 Janeiru 2021, SDB/FMA sira hasoru malu ho sua Ex.cia Sr José Ramos-Horta, iha nia horik-fatin iha Meti-Aut, atu ko’alia kona-ba edukasaun no formasaun tékniku-profisionál ba foin-sa’e sira. Sr. José Ramos-Horta ko’alia kona-ba labor marketing iha rejiaun Ásia ne’ebé ita-nia foin-sa’e sira bele prienxe, nune’e hamenus dezokupasaun no lori bem-estar ba famìlia. Salezianu/a sira ho tinan barak hala’o misaun edukasaun bele prepara di’ak joven sira ba pedidu merkadu traballu nian.
Husi parte SDB/FMA aprezenta saida mak sira-nia dezafiu ohin loron iha formasaun tékniku-vokasionál. Iha diferensa entre formasaun formál no formasaun non-formál. Ba eskola tékniku-vokasionál no agrikultura, iha kurrikulu husi governu, husi ministériu edukasaun ne’ebé tenke tuir. No maioria oras ba teoria barak liu (75%) enkuantu oras ba prátika uitoan de’it (25%). Enkuantu iha sentru formasaun sira fó liu atensaun ba skills, nune’e oras prátika 50-50.
Sr José Ramos-Horta fó hanoin kona-ba área sira ne’ebé ohin loron presiza iha rejiaun no mo iha Europa, no nia husu atu karik hatama tan área formasaun vokasionál ne’ebé seidauk iha. Nia prontu atu fó apoiu no agradese tebes ba Sr.José Ramos-Horta ba ninia interese no hakaran, ho ideia prinsipál tolu atu fó kontribuisaun ba formasaun tékniku-profisionál foin-sa’e Timor-oan sira-nian. Aleinde hanoin ba upgrading no espansaun, presiza haree ba formadores nia formasaun ka upgrading no formandu/a sira-nia nesesidade. Ba ne’e presiza hetan apoiu finansa no rekursu sira, hanesan biblioteka nst.
(ComSoc FMATIN)
