Irmán doben sira, foin-sa’e sira, leigu/a kolaboradór/a sira,
“Estado de emergência” obriga ita hotu atu la selebra Don Bosco nia festa hanesan bainbain: la iha jogu hamutuk, la iha Don Bosco Cup, la iha buat ne’ebé halo ita sente festa!
Ida ne’e momentu di’ak atu reflete: Tansá ha’u hakarak selebra Don Bosco nia festa? Tanba haksoit, halimar hamutuk, rame uitoan? Tanba oportunidade di’ak atu hasoru belun no kolega sira? Tanba tradisaun ida? Se nune’e, entaun tinan ida ne’e festa la iha duni!
Maibé keta karik Don Bosco mós haksolok uitoan atu haree situasaun ida ne’e, ne’ebé husu mai ita atu deskobre Don Bosco nia festa nia signifikadu kle’an no interpela ita atu hatudu Don Bosco nia “oin” iha ema ne’ebé hakbesik ita.
“Ha’u halo buat hotu foun” mak títulu Estreia Reitór-Mor no ita-nia selebrasaun Don Bosco nian mós foun iha estilu atu hala’o… Ha’u hein katak:
- ita-nia espíritu família nian sei buras nafatin, maski situasaun la permite mai ita atu halibur ema barak hamutuk;
- bele halo nabilan ksolok no konfiansa iha Maromak nia prezensa, ne’ebé Don Bosco hatudu iha ninia moris, iha ita ida-idak nia moris
- ita sei hamanas ita-nia paixaun ba labarik no foin-sa’e sira nia salvasaun, liuliu dezenvolve ita-nia kriatividade atu bele enfrenta situasaun oras ne’e nian no kontinua Don Bosco nia misaun.
BOA FESTA DON BOSCO NIAN!
Sr Alma Castagna FMA
